احكولي شو اعمل

خواتي في الله مشكلتي مؤلمة كتير

الي عندها اي معلومات ممكن تفيدني ارجوها لا تقصر

والي عندها حل كمان تحكيلي انا بهم وما حد راح يقدر يحس بلي بحس فيه غير الي عاش او بعيش تجربتي


خواتي انا بعد ما تزوجت بكم شهر الله رزقني الحمل بس ماكنت بعرف وكنت مستلمة الشغل جديد فتاخرت علي الدورة يومين بعدين بلش ينزل علي دم حكيت خلاص بلشت بس بعدين توقف الدم وضل على هاي الحالة اسبوع كامل وانا بحكي لزوجي خليني اروح بحكيلي خلينا نستنى اسبوع اكيد صار عندك خربطة من زواج جديد وشغل جديد ومسؤولية وبيت بس للاسف بعد اسبوع اجاني الم شديد ونزيف رحت على الطوارئ واكتشفت اني حامل وصار عندي اجهاض


بعد 7 شهور رجعت بكرم الله حملت وتاخرت علي الدورة 5 ايام وعملت وقتها تحليل بول وطلع في حمل وحكيت لزوجي وفرحنا حكالي نستنى يومين عشان نعمل فحص دم ونتاكد بس للاسف بعدها بيوم بلش تنزل علي افرازات بنية وقتها انا انجنيييييييييت حكيتلو هلا خدني على المستشفى وشوفوا كيف وجع القلب وانا من فحص لفحص ومن ابره لابره طلع في حمل بس لازم بعد يومين ارجع اعمل فحص دم وكيف الدكاترة بتفلسفو يمكن حمل بالرحم يمكن خارج الرحم يمكن يثبت يمكن يروح عشان يشوفوا اذا الحمل بقوى ولا راح يروح بسبب الافرازات بس للاسف نزل الحمل ونزل الهرمون كان وجع قلب فظييييييييييع للمرة التانية اخسر حملي وعملت كل التحاليل اللازمة حكولي كل التحاليل سليمة مافي اي سبب للاجهاض

انا وقتها كتير نفسيتي تعبت ولجات لسورة البقرة والرقية الشرعية للحمل وكل يوم بدعي الله يعوضني

هلا دورتي متاخرة الها 5 ايام وانا الحمد لله دورتي منتظمة حكيت شكلو الله عوضني بس للاسف البارحة بالليل نزل علي دم طبعا كانت صدمة بعد الامل وحكيت قدر الله وماشاء فعل بس بعدين ما رجع نزل علي اشي يعني بس شوي دم وبس واليوم ولا اشي....

انا راح انجننننن بمعنى الكلمة تعبت من نفس القصة والله تعبت زوجي بحكيلي حتى لو رحنا هلا ما بقدرو يساعدونا لسة الحمل باولو لازم على الاقل اسبوع وانتي راقبي حالك بس انا خايفة وقلقانة مو عارفة شو اعمل خايفة ارجع اجهض كمان مرة وبنفس الطريقة.....والدكاترة ما بقبلوا يعطوا اي مثبتات الا اذا شافوا جنين بالرحم ومع نبض وانا لسة بالبداية الكل 3 مستشفيات رحت ما بقبلو بحكو اذا الله رايد بضل اذا لا خلاص الله يعوضك


احكولي شو اعمل ؟؟؟ والي ما بتعرف ترفع موضوعي بدعوة


الله يرزق كل وحدة بتتمنى الحمل ويعوض كل وحدة اجهضت ويقوم كل حامل بالسلامة