احلى صوص لأحلى بنات

دلوعاتي بنات حواء
الدلوعات يستاهلون كيكة بتشريبة دلع...
يايبتلكم الليوم صوص (تشريبة) حق الكيكة السوداء Black forest
تحلي طعم أي كيكة عندكم
والله خبال....
طعم مميز وسهلة مرة

طبعاً أسوي كيكة سوداء بطريقتج المضمونه أو سوي الكيكة الجاهزة من بيتي كويكر

مقادير كيكتي السوداء...
1 كوب طحين رقم 1
4 بيضات
ملعقة شاي خل
ملعقة شاي بيكربونات الصوديوم
3 ملاعق كاكاو كبيرة (يفضل يكون لونه غامق)
نص كوب زيت
ملعقة سويت نسكافيه
2 ملعقة كبيرة نسكافيه
فانيليا
1 كوب سكر ناعم

إخلطي المقادير مثل ما متعودين... واخبزي الكيكة....
بعد ما تستوي ... خليها تبرد وإقلبيها
وقطعيها بس حافظي على شكل التيفال (شكل الكيكة الأصلي)


وصبي عليها الصوص

الخلطة السرية للصوص....
2 قشطة
نص كوب سكر ناعم
3 ملاعق كاكاو غامق
ملعقة صغيرة نسكافية
نص كوب عسل....

اخلطي المقادير مع بعض وزيديه عسل لين ما تحسين إنج وصلتي للقوام المطلوب للتشريبة يعني مب واااايد سائل ولا ثقيلة مثل الكريمة


وخليه يدخل بين الفراغات إللي في الكيكة
شربيها عدل عدل
وغطيها عدل عدل...
كل شي عدل... ههههه


وبعدين زينيها بالفليك أو بفنج الروعة

والله طعمها خباااااااااال
والصوص واااايد لذيذ
الكل بيحبها



أتمنى إنها تعجبكم....
وأتمنى إنها تعجبكم......
وأتمنى إنها تعجبكم...........
واتمنى إنها تعجبكم.................

أنتظر ردوووودكم المشجعة