احلى واقوى الاساليب اللي مرت فيه المجربات لاصلاح الازواج..شاركي بتجربتك

موضوع رائع ...


تابعوا مشاركتي قريبا ...

موضوع رائع بصراحه ..


شوفي عاد أنا بخبرج بتجربتي ...


زوجي من النوع اللي 24 ساعه مشغول .. و لو يفضى ساعه يقعدها على النت ( أعرف المواقع اللي يدخلها كلها منتديات تجاريه فما فيها خوف .. وحتى أنا أشارك وياه ) بس المشكله اني كل ما أطلب منه شي يقوللي بعدين .. أحين مشغول .. أو يقول اوكي و يطنش ... تعبت ونفستي تعبت ..

ومن فتره كنت حاطه موضوع أشكي من اهماله لي و لولده ..

كان ولدي مريض ... وكنت أباه يوديه العياده وكل مره يقوللي اوكي بعدين بيي .. وطااااااااااف


المهم طفح الكيل ... وطلبت مشورة البنات ... و ما خاب من استشار .. البعض أشار عليي اني أتصرف وأودي ولدي العياده بنفسي ..
والبعض قالي خلي أبوه يوديه غصب عنه .. و و و و ....

المهم بعد تفكير عميق .. و ولدي كسر خاطري بعد ... قلت أكبر غلط اني أتصرف و أودي ولدي بتكسي .. ليش ما عنده أب يوديه ..

المهم .. اتصلت على زوجي وقلت له ما بتي تودي ولدك العياده ... و كان جوابه كالمعتاد .. أنا أحين مشغول بيي عقب ان شاء الله ..
فقلت له خلاص عيل برايك دام مشغول بخلي أبوي ايي يوديني ... وطبعا أهلي ساكنين بمنطقه بعيده عنا تبعد تقريبا ساعه و نص ...
فقاللي انتي مينونه تخلين أبوج ايي يوديج ... فقلت له دام انت مشغول وكل يوم المرض ايزيد على ولدك .. وأنا بصراحه مب قادره أصبر أكثر .. خلك في شغلك و بخلي ابوي ايي ياخذني ... وطبعا هو بيموت من الاحراج لو انحط في مثل هالموقف ..
ع الاقل صورته بتنكسر جدام أهلي ...

وقاللي خلاص اتجهزي و بعد اشوي بيي باخذكم ...

و كلها ربع ساعه والا هو موجود و ودانا العياده ولله الحمد ...

المهم صرت أطنشه لدرجه ما تتخيلونها ... دام هو عاجبنه انه 24 ساعه يكون مشغول عنا ..
أنا بعد لازم أحسسه انه فراقه عيد عندي ...
واليوم اللي بعده بعد ما طلعت من دوامي ما رجعت له البيت لانه أصلا في وحده توصلني البيت ..
مريت على ولدي وخذته على الألعاب و قعدنا فتره طويله وخلالها اتصل أكثر من مره وكنت أطنشه لانه يطنش اتصالاتي .. يعني عاملته بالمثل ..
وبعد اتصالاته المتكرره و بعد مرور تقريبا ثلاث ساعات رديت عليه وقلت له اني وديت ولدي الألعاب لاني أضيج من قعدة البيت والولد لازم يطلع ويلعب مثل الناس ... المهم كلها تقريبا نص ساعه وكان عندنا .... يعني يانا وقعد ويانا يلعب مع ولده ...
وأنا كل هالمده لابستنه .. أكلمه بالمحدود فقط ... بدون سوالف وضحك ... وحتى في السياره كنت هذروبه ما أسكت ...
لكني صرت كله ساكته لدرجه انه شك اني مريضه ... وصار يحاول وياي و يفتح مواضيع للنقاش لكني أرد بقياس وبدون ما أتعمق وياه في السوالف علشان ايحس اشوي انه غلطان في حقنا ..
المهم نفس هاليوم رجع البيت بوقت على الساعه 10 وهو بالعاده ما يرجع البيت الا الساعه 3 أو حتى بعدها ....
المهم خليت عمري عاديه جدا و اليوم الثاني مر علي الدوام وخذني ودانا على المطعم نتغدا سوا ... و من زمان ما اتغدينا سوا أصلا لا في البيت ولا برع البيت ...
المهم كلت شي بسيط ... و هو يحاول وياي ويقول كلي هاي علشاني و ها ي و و و ... و أنا أقوله بصراحه من زمان ما تغديت فأحس مالي نفس آكل وايد .... علشان اشوي يحس ...
و الله كل هالفتره اللي طنشته فيها أحس انه فعلا صار يتشوق انه يتقرب مني أكثر ويكسب رضاي ...
يعني حتى لو بغيت شي من الجمعيه أطرش له مسج ( ما أتصل علشان ما أتكلم وياه وايد و أحسسه في بعدي عنه ) و يرجع طبعا يتصل وأطنشه .. ومن يرجع البيت أشوفه يايب وياه خمس أكياس مع اني أكون طالبه مثلا بس حليب لولده ... واييب لي الأشياء اللي أحبها من حلويات وغيره ... بس أرد عليه بكلمه شكر وانه ماله داعي لها كله ...
و اليوم اللي بعده يقوللي خل نطلع نتمشى .. أو نسير السوق ... فأقوله مالي نفس وبعدين مب محتاجه شي ....
ويصر طبعا ... وأسيـــــــــر

وبصراحه أحس هالأسبوع أموري تحسنت ولله الحمد والشكر ...




ما أدري بلاهم هالرياييل جذه ... اذا حبيناهم و عطيناهم عيوننا و دم قلبنا ... داسونا بريولهم وطنشونا ..
واذا طنشناهم و عاملناهم بقساوه ... ركضوا ورانا على ايدهم و ريولهم .. وحتى على رموشهم بعد ..خخخخخ

يبالهم تكسيـــــــــــر خشووووووووووووم من الخاطر ...




يا الله عاد وافوني بأفكاركم واقتراحاتكم .. ومنكم نستفيد .....

هههههههههههههههههه اخاف يكسر راسي بوحده

صراحه بعض الرجال يبيلهم تطنيش بس لازم ما يطول الشي ء هذا لانه بيتعود على كذا وبعدين يطنش فلابد ان يكون شد و رخي وهذي خبرتي