اخاف على اطفالي مني

صباحكم سعآآدة

.. انا متابعه لكم دائمممممما وما اعتبر نفسي جديدة وبقولكم مشكلتي اللي مجننتنننننننننننني :44:

عمري 27 سنة .. وعندي ثلاث اطفال الله يحفظهم .. وتزوجت وانا صغيره جدآ .
وطبعآ طفولتي جدآآآآآآآآآآآآآآآآ ماساوية ومعقدة وهذا اللي خلاني اهرب للزواج .. والمشكله مو هنا ..
انا عصبيه جدآ جدآ واندم بسرعه ع ضربي لاطفالي او صراخي عليهم

والمشكله الاهممممممممممم

اني من فترة طويلة تجرات اقرا قصص واقعيه وجرائم واوقات اشوف صور مؤلممممه ومؤثره وووقتها م اتاثر او افكر وزوجي كان دايم يهزئني ويقول لا تتابعين هالاشياء والقصص اللي تصير للناس وللعالم من حولنا راح تاثر ف نفسيتك كثيرررررررر وماكنت اسمع له .. وكله فضول اني اشوف واتابع حتى اخبار سوريا كنت اشوفها بالتفصيل

وبعدهآآآآآآآآآآآآ بفتره صرت افكر بشكل هستيري بالسوء ع اطفالي .. يعني اقولكم عشان تفهمون اكثر ..
لما كنت اقرا عن التحرش بالاطفال وفي المدارس واوقات نسمع ان حتى من المدرسين انفسهم يصير تحرش .. من اول م يداومون اجلس ابكي اتخيل ان هالشي بيصير لهم وهم بعيد عني ومقدر اساعدهم

وهالشي صار لي انا ف طفولتي

الشي الثاني اوقات اشوف ف دول كثير وحدة عصبت من طفلها وقتلته او خنقته او تعذبه زي كذا .. واجلس طول الوقت افكر وهم رافعين ضغطي او حايسين البيت .. لو سويت زيها وش بيكون وضعي .. طيب اخاف يجي يوم اسويها . واتخيلهم لو انا سويت هالشي وعذبتهم بالنار او السكين واجلس ابكي ..

او اذا كنت اقلي بطاطس او اي شي ف الزيت اتخيل هالزيت ينكب ع واحد منهم ومقدر اساعده و يمكن يعصبني وارميه انا بالزيت زي الامهات اللي اسمع عنهم ..

يعني باختصار صرت اتخيل هالاشياء اللي اشوفها اني اسويها لهم وانا بالاساس اخاف عليهم خوف مو طبيعي حتى زوجي يقول انتي موسوسة درجة اولى

واذا كنا برا واحتجنا شي من السوبر ماركت يعطي واحد منهم فلوس ويرسلهم يشترون اقوله لا انزل انت معاه احس احد بيخطفه او يتحرش فيه جوا السوبر وماندري . مع انا واقفين بالسياره قدامه ونشوفه بس تفكير سيئئئئئئئئئئئئ ذبحني

صرت اخاف من اي طلعه واي تمشيه لا ينخطفون او ينصدمون او يضيعون وما القاهم والبيت نفس الشي اخاف من المطبخ كله لا يمسكون سكين او يشغلون النار او يحترقون او او او

مع انهم كبار يدرسون .. بس مو عارفه ليش الخوف هذا

وزوجي يلومني يقول كله بسبب كل اللي تشوفينه ووتقرينه .. صح الحرص واجب واي ام بتخاف ع اطفالها بس استودعي الله فيهم ومهما سويتي وحرصتي وربي كاتب لهم شي راح يصير ولاتقدرين تمنعين قدر ربي

وادعي كل يوم واستودعهم ربي وابكي واتخيل اشياء فضيعه واتعب ومو قادرة اتخلص من هالشي

اخاف افقدهم . اخاف يصير لهم شي بسببي . اخاف من نفسي انا ومن تفكيري اني يمكن اسوي لهم شي يؤذيهم

:44:

مدري اذا فهمتوني بس ع الاقل افيدوني باي شي حتى لو دعاء ف ظهر الغيب ربي يريح قلبي وبالي لاني تعبت من هالتشائم والخوف