اختكم ام منذر بحاجه للدعاء لابنتها

السلام عليكم ورحمه الله وبركاته
يا بنات اليوم انا مزاجي وحش خالص بنت سلفتي مريضه بقالها يومين في المستشفي عندها خلل في وظايف الكلي
ادعو لها انها ماتوصلش للغسيل لانها متدهورة جدا
ويا عيني بتاخد دوا ضغط ولازكس وحاجات كتير وعمرها 5شهور
وكل شويه يشكشكوها علشان ياخدو عينات
ولدرجه انهم مش عارفين ياخدو منها عينه يشكوها في دماغها
وفي كل جسمها يا عيني والله امها حالتها تقطع القلب من بكائها
وانا نفسيتي تعبانه وبدعيلها وبدعي لمرضي المسلمين
من يوم ما ربنا رزقها بيها وهي يا عيني بتلف تعملها فحوصات وتحاليل واشعه وسونار

ادعولها ارجوكم بالشفاء العاجل ويصبر امها ويربط علي قلبها
لان البنت ايه في الجمال ورغم كده سبحان الله تعبانه
تخيلو ان طفله عمرها 5 شهور وممكن لاقدر الله يكون عنده فشل كلوي وتغسل يارب اشفيها
وجزاكم الله خيرا
ادعو لها بظهر الغيب


ياريت المشرفات يثبتو الموضوع لانها بحاجه ولو لاخت تدعي لها بظهر الغيب ودي اقل حاجه تقدمه المشرفات لاخت معنا هنا