اختي اثرت علي سلبيا

السلام عليكم
بنات انا ابغاكم تساعدوني وتعتبروني اختكم ويارب تفهموني مع اني مااعرف اعبر
السالفه ومافيها انا من عائله معروفين بالبياض والملامح الناعمه الحلوه
اختي الكبيره عنصريه مره الله يهديها ماتشوف الناس شي وكل واحد عندها له عياره
اخطبتني صديقه اختي هذي لاخوها وهم عائله لونهم حنطي مايل للسمار والله يابنات انا احب السمار والسمر من ربي ودايم كنت ادعي يتزوجني اسمر
وهذا اللي صار خطبني ولا شفته الا بعد الملكه ومااخفيكم انصدمت شكله مو حلو ابدا لكن فيه ميزه السمار الزبده حبيته وتفاهمت معه وربي رزقنا باطفال ماشالله بياض وشقار ع اهلي وكل اللي يشوفون عيالنا يقولون طالعين ع خوالهم عيالي ابيض مني حتى والمشكله اختي تقول لولدي العبد ولد العبد اول مره سكتت لاني انصدمت من تفكير الجاهليه ذا
قلت( اكرمكم عندالله اتقاكم )
وسكتت والمره اللي بعدها بنتي تبكي قالت اختي وش فيها العبده مطنقره قلت بنتي ماهي عبده ....ابيض مني ومنك ولو سمحتي لاعاد اسمع هالكلمه !!!
الزبده هي ماعاد تقول لي شي بس المصيبه صارت عندي انا من كثر ماتعلق كل ماطالعت بزوجي اقول بخاطري زي كلمتها !!!
وحتى واحنا بالعلاقه فرق كبير بالالوان اول ماكنت الاحظ اللحين بس افكر واقول ليتني ماخذه ابيض يابنات صرت زيها وانا والله ماكنت كذا واكره العنصريه كره العمى


ليه تغير تفكيري ونظرتي زي كذا مدري
الان بس ارفض حتى يلمسني احس اتقرف وهو يزعل ويعصب ويقول وش فيك ؟؟؟؟