اختي الله يشفيها ;(

اللهم صَلِّ وسلم وَبَارِكْ على رسولك محمد انا أختي ماتسمع ولا تتكلم مصلحه عملية قلب لان كان عندها ثقب كان عمرها ست سنوات وقبل ست أشهر صلحت عمليه بعينها لان كان فيها جرح وكانت تتضايق منه تقول شكلي مو حلو ،،، وأسنانها عندها سن وخلفه سن ثاني وتقول ابغا اطلع حلوه وكذا بصلحهن طبعا بالإشارات تقول لنا وبدت فيهن خلعت ضرسين وبقا لها الأعصاب وبعدين تعمل التقويم بس لان الفك عندها صغير يقولون نخدرها تخدير كامل ونعمل لها بجلسه وحده الأعصاب وأختي الكبيره معارضه لانها من الناس الي مهما تقولين لها الطب تطور مستحيل تفهم الله يهديها تقول ليه تبونهم يفكون فمها ومدري ايش .... كممان أختي التعبانه مالها رقبه ونقدر نعالجها برا السعودية للسمع وللرقبه بس هي معارضه أختي الكبيره تقول يقطعونها المشكلة أختي التعبانه تبغا تتعالج ودائم تقولي انا دائم اذا جلست مع بنات مايسولفن معاي وكذا يعني متحطمه تقول عشان ماني مثلهم انا تعبانه مره تحزن والله .... انا كيف اقنع أختي انها توافق لانها اذا قالت شي ابـوي على طول يكون رأيه معها ؟؟ هي حرام تبي تدرس وتعيش حياتها وتتزوج ؟؟ والحمد لله على كل حال هي الان مبسوطه بس هي تبغا تتعالج ؟؟ والله يابنات ودي ودي انها تتكلم معاي ونسولف انا مالي غيرها والله اعرف بنات مثلها متخرجات من معاهد وتزوجن بس والله مابيدي شي تكلمت وقلت لهم ودوها لكن مافاد راح عليها العمر الحين عمرها 17 سنه الله يطول بعمرها على طاعته والحمد لله هي تصلي وتصوم وملتزمه اللهم لك الحمد الله يثبتها وقايمه بنفسها محد يساعدها وتشتغل بالبيت معاي يعني والله ودي انها تتعالج وتتعافى ادعو لها تكفون !! وكمان حبيت أسال انا احيان نتزاعل انا وهي وأحيانا نتهاوش يعني زعل خوات وبعدين نرجع أحسن من قبل يعني والله اندم يوم ازعلها بشي يعني عشانها تعبانه عليه ذنب ولا لا ؟؟ اسفففه جداً طولت عليكم بس مالي بعد الله الا أنتم ساعدوني تكفون كيف أقنعهم يعني هي عندها راتب ابغاها تستفيد منه وتتعالج وأي معلومه عندكم تقدر تفيدني عنها قولوا لي الله يرضى عليكم والي ماعندها رد على الموضوع ياليت تدعي لها تكفون تدعون لها ربي يوفقها وييسر أمورها ويشفيها ويخليها لنا