اختي تطلب الطلاق من زوجها لان يحبها ويلبي كل طلباتها /استوفى حقه من الردود

بنات بدخل بالموضوع على طول والله اني صادقه بكل كلمه اقولها ولاتحسبون اني ابالغ

اختي تبغى تطلق من زوجها لها اكثر من سنه وعمر زواجها تقريبا 12 سنه وعندهم ولد كبير

السبب انه يحبها وكل شي تبي يعطيها هو ويوفرلها كل طلباتها هي ساكنه في منطقه غير منطقتنا كل ماتبغى تجي عندنا جابها مايقول لا ابد

عمره مازعلها بشي

كل شي يعطيها اياه وتعالوا اقلكم سبب الطلاق تقوووووول مايعرف يعبر مايقولي كلام حب زوج اختي كذا طبعه مايعرف

يتغزل ولا يتكلم حاولت فيه اكثر من مرررره ماعرف طريقه تربيته ونشآته كذا

بس المحبه عنده افعال ان يرضيها يساعدها يوفرلها فلوس يلبي كل احتياجاته تجي عندنا دايما وعلى راحتها متى ماتبغى تروح تروح

مايدق عليها يقول والله تآخرتي ارجعي

يحبها بجنون وكرهت هالشي

تقول تبغى واحد يحكمها يقولها لا يعطيها طراق عشان تعرف ان هذا زوج وربي الايمان اني ما ابالغ كلنا كلمناها ومافي فايده وسطنا كبيرين العايله بدل المره الف مره معنده فيها الان مقاطعته لايكلمها

ولاتكلمه عشان ويزهق منها ويسيبها

ومره اعطته في وجهه انا ابغى انفصل عنك ما ابغاك ماتفهم وسكت وصبر وتحمل وربي اننا تعبنا منها

تبغى حب وكلام غزل وش يضمنها انها تاخذ نفس الشخص الي ببالها كل وحده في بالها لزوج المستقبل مواصفات معينه بس تنصدم بالواقع في اشياء

الواحد يقدر يتغاضى عنها وفي اشياء ماينسكت عنها ابد

الخلاصه في هالموضوع ؟؟؟

كيف هانت عليها عشرررره اكثر من عشره سنين تبيعها كذا

لو شفتوا زوجها نفسيته زفت ونحف مرررررررره وحالته يرثى لها

ادعولها انصحوها ادعوا لزوجها المسكين

مو راحمتها قد ماني راحمه زوجها المسكين الطيب الي عمره مازعلها ولا اهانها في شي

على فكره زوج اختي انسان ملتزم ويخاف الله كل الناس تحب قعدته وسواليفه كل الناس يثنوا عليه طيب من عمله لبيته ومن بيته لعمله

ترى مافيه اي سبب لاتقولوا عين او سحر او مس راحوا اكبر الشيوخ ومافيهم شي

حياتهم الكل يحسدهم عليها

وهذي هي الاسباب