اختي عروس وهذي ملاحظاتي عليها >> اللي تقدر تفيدنا تدخل

السلام عليكم
كيفكم ياحبيباتي ان شاء الله بخير
انا ودي افضفضلكم شوي
انا اختي متزوجه من شهرين تقريبا والحمد لله احوالهم طيبه
لكن انا لي بعض الملاحظات على اختي
اولا : جولها على طول فاضي مافيه شحن رغم انها ماتتصل كثير
ثانيا : مايتمشون ابد وهم البحر قريب منهم (في الاحياء القريبه من البحر) ولحد الان ماراحوله ولا مطاعم ولاغيرها
وفي الخميس والجمعه يسهر مع اصحابه
ثالثا: بدون مبالغه ماتطلب منه شي ابدا ابدا اما من خجل او عندها كرامه زايده


اكيد راح تقولون انتي وش لقفك فيها دام هم مبسوطين ومتفاهمين

كلامكم صحيح

بس هي بدت تمل وتشكي وحضرتها تستناه متى يقول لها يالله يافلانه قومي امشيك

و غير كذا هو سبق له الزواج وطلق وصارت لما تعرف ( باي طريقه ) انه دايم يسافر مع الاولى وانه ماخلا ولا مكان الا وتمشوا فيه تنغاظ وتنقهر

طيب احنا عجزنا معاها نقول لها اطلبي لكن مافي فايدة

طبعا انا ما اعيب فيه ومستحيل يرفض لها طلب لكن هي ماتطلب ابد . وبعدين تزعل لما يروح مع اصحابه ويسيبها في البيت وهي ضيعت حقها زي ماقلت لكم تبغاه هو اللي يقولها يله نخرج و.... المهم تبغاه هو اللي يبادر
اكيد انتوا فهمتوني


وانا ضد ان الوحدة تستغل زوجها وتفضي جيبه لكن مو لدرجه الغباء
لدرجة انها تكون سلبيه
وبصراحه المراه لازم تكون هي المتصرفه
وبعدين لما نقولها ليه ماتتمشين الليله تقول مسكين تعبان وبعد ساعه يتصل عليه واحد من اصحابه و يلطعها لين الساعه 2 في الليل وبعدها تنقهر

انتوا وش رايكم فيها واش تنصحونها وعلى فكره زوجها مبسوط ماديا وشاب ومتعود على الفله والوناسه لكن هي اللي ماتطلب شي وفي نفسها متضايقه

اختي عمرها 27 سنه لكن تنقصها الخبرة في الحياه


يالله انا انتظر ردودكم ونصايحكم لاني راح اخليها تقرى الموضوع

وكل وحدة ترد علينا الله يوفقها دنيا واخره