اختي عنيدة .. امي اعند منها

السلام عليكم
انا كنت ناشرة موضوع من قبل وشكرا لكل من رد بس حابه اوضحلكم ان الموضوع مو قصتي بل قصة بنت حبيت اساعدها وكان عنوان الموضوع (( احبة ولكن ،، لن اعترف )) المهم هلا انا رح اتكلم عن موضوع بيخصني يعني بدايتا انا عندي اخت وامي وابي طيبين لدرجة مابتتوقع بس كل ما بنكبر وبيكبروا بيصيروا عصبين وكلنا اللي بالبيت بنصير عصبين وبنتخانق على طول يعني اوقات بنظل انا وامي واختي بالبيت وابي بيخرج او بيسافر المهم امي واختي على طول بيتخانقوا يعني انا مسميتون الكنة والحماية المهم اختي عنيدة بشكل مابيتصور وامي كمان حتى لو اكلم اختي اقوللها بس هاي امك ومن هالكلام بتضل تعيط عليا شو دخلك انتي
اختي الصراحة بحسها انانية بعض الشيء بتحب حالها بس ، بس في اوقات بحسها كويسة ،وفي اوقات بحسها انها غيورة شوي ، حتى لو خدت هيا شيء انا ما بزعل بالعكس من صغري وانا بحب اراضيها مابحب زعلها ، عمري ماحقدت عليها عمري ما قلت ليش وماليش لو جابولها شيء وانا لا ، حتى الاشياء اللي بدي ياها احيانا بستخصرها ع حالي مشان هيا تاخد اللي بدها ياه ، هو مابعرف بس امي وابي بيفضلوني لاني انا العاقلة والهادية والرزينة اللي بتفكر بس هيا المجنونة العنيدة بس في نظري ان بابا وماما بيحبونا زي بعض بس هيا بظل تقول انهم بيحبوني ، انا ماببكي الا لو اثأترت بس عمري في حياتي ما نزلت دمعة الا على اهلي او كان سببها اهلي عمري ما بكيت على حدا في هالدنيا غير اهلي ، ف اختي كانت ولا زالت بعض الشيء بتجرحني اوقات بكلامها ، حتى لما كنا صغار كانت بتقولي يا داعش ويا ارهابية انا ما بعارضها لاني كنت عم اضربها لما نتخانق بس كنا صغار لدرجة اني لو حتى ضربتها ضربة خفيفة بضل ابكي ، وحتى لما كنا صغار كنا قراب من بعضنا كثير ، لما كنت صغيرة ما كان عندي اصدقاء كانت بس اختي ولما صرنا نكبر بشوي كنت بحس ان في ناس بتبعدها عني او هيا ماعادت بتحبني اد صاحباتها هلا كنت لو فكر هيك بظل ابكي كثير
مع ان في اوقات هلا بحس اني ما بعود بطيقها او شوفها بس هاي لحظات غضب ليس الا
ياريت ماحد يقولي خوديها وانصحبها وهالكلام لانوا مابينفع معها
بس لاتفكروا ان اختي سيئة من هالكلام بالعكس طيبة وحنىنة بس مابتعرف تعبر عن اللي بتحسه