اختي وزوجها والمقارنات

مشكله تخص عضوة معانا اتمني تفيدوها واعتذر جدا منها علي التأخير بطرح المشكله والله يوفقكم لا تقصرون معاها
يابنات انا عمري 37 سنه والحمدلله متزوجه ولد عمي ومستقره بحياتي رغم المشاكل البسيطه الي تواجه أي متزوجه عندي اختي اصغر مني بسنتين وتوها متزوجه ماصار لها 3 شهور الله يسعدها المشكله انها من اول يوم ملكت صايره حساسه واي شي ماتتقبله مني احنا عايله متوسطه الحال ماديا والي هي تزوجته انسان متزوج وعنده عيال وعلي قد حاله وهي الزوجه الثانيه قلت لها من باب النصيحه لا تكلفين علي زوجك واذا عنده كم قرش سافرو فيها بدال ماتسوين عرس وكذا وتعالو شوفو الهجوم الي جاني منها ماتبيني انسبط ومستخسره فيني العرس وانتي سويتي ومن هالكلام وصرت مااتدخل نهائيا فيها وحتي لما جهزت شقتها تبي كل شي بمستوي شقتي او افضل مع انه شقتي متواضعه بس ماادري ليه تسوي كذا وصايره ماتتقبل مني أي كلمه واحسها تغار لدرجه انها تخانقت مع زوجها من اول يوم زواج لانه ماجاب لها هديه الزواج وزوجي جاب لي هديه مع انها بسيطه ومتواضعه امي قالت لي عن هالسالفه وقالت لي انها قالت لزوجها زوج اختي جاب لها ذهب وكذا وحتي اطر الامر زوجها يتصل علي امي يتشكي عليها والحين هي ببيتنا تخيلو طالبه من زوجها يطلق زوجته القديمه بس عشان يصير لها لحالها وقالت له قدام ابوي وامي اختي اكبر مني ومتزوجه عزابي وانا مو اقل منها والله هالكلام اوجعني حيل وحسسني انه اختي ماتحبني ياريت تشوفو لي حل عشان تترك المقارنات وتنساها مهما كان احنا خوات وماابيها تهدم بيتها بس مو قادره اكلمها دايم تفهم كلامي اني ابي انقص من قدرها او اني افضل منها مع اني يشهد الله احبها وابي مصلحتها وقلبي واجعني حيل من تصرفها وكلامها معاي حسستني اني ضرتها مو اختها تكفون ابي حل