اخت ريلي تكرهني ؟؟ شو الحل..؟؟

السلام عليكم

شخباركم بنات؟؟

انا متابعه دايمه لهالمنتدى الحلو .. واحب حلولكم ومساندتكم لبعضكم البعض الله يسعدكم

انا مشكلتي طويله عريضه كتبتها قبل وما اقدر اكتب عن مشاكلي انا وريلي الي ما تخلص لاني حلفت اني ما اكتبها بالنت

بس هاي المشكله غير عن اخت ريلي .. بنات هالانسانه من اول ما عرست ما ارتحتلها واايد لسانها طويل صراحه وعادي تغلط عليج حتى لو مزح وانا ما احب جيه .. المهم صارت مشاكل قبل من بيبنا ومع اني مب غلطانه انا ييت واستمحت منهم واعتذرت .. المهم هي تكرهني ومبين من تصرفاتها انا ما جفتها من بعد المشاكل لانها دايما تطلع حتى يوم اعتذرت اعتذرت لاختها وقلتلها توصل سلامي لها وعلى بالي انها خلاص بتنسى كل شيء وبتصير زينه معاي

امس صار موقف يمكن هو السبب والله اعلم انها اليوم تكلمني بهالطريقهه
..

انا عندي بنت ريل مثل ما قلتلكم قبل ,.. وهي ماشاء الله دايما تطلع معانا بس امس انا كنت ابا اشرد منها بسرعه بسرعه اطلع لانها ماشاء الله واايد حركيه ومشاغبه وانا رايحه لمكان اشتري اغراض ما حبيت اخذها معاي وانا طالعه جفتها يايه من بيت اهل ريلي قلتلها حبيبي ارجعي انا بسير مكان بسرعه وبيي .. والله مالي خلق حشره يهال تعبت وين ما اروح ويايي ما اتهنى بطلعاتي .. المهم ريلي دخل وجافني وانا اقولها روحي قال لا خلاص ييبيها .. بعدين انا قلت له ما بتاخر خلها تلعب ويا اليهال .. المهم بسرعه بسرعه طلت وانا طالعه جفت اخو ريلي ويا اخته هاي الي اتكلم عنها حسيتهم مقهورين ليش ما خذناها جان يقول حق اخو خذوها .. وريلي نازعني وصاحت وخذناها .. حسيتهم خذو فكره خايسه يمكن الشيطان هو السبب في الي صار بس والله انا اطلعهاوياي اكثر طلعاتي واتعب صراحه حتى يوم اروح بيت خواتي اشلها وخواتي يحسون انه اهل ريلي ما يساعدوني وهم واعديني قبل العرس بيربونها اخر شيء عاقينها علي وما يطلعونها ويصيحونها اذا يت علي وما طلعتها مره وحده ياكلوني تعبت والله خاطري مرات اروح اماكن بدون يهال :( شو اسوي

وهي اخت ريلي متعلقه بالبنت فاليوم يوم كلمتها تكلمني من غير نفس هل هالشيء السبب واذا جيه كيف اتصالح وياها

؟؟؟


اتمنى تساعدوني .. بنات انا اهل ريلي وريلي معتمدين عليي كليا في اني اشلها معاي وين اروح واخليها عندي بالبيت اغلب الوقت .. هو انا ما قلت شيء بس بعد مب دايما مرات الحرمه تحب تطلع بروحها ... اففف انا يوم اكون عند اهلي يعززوني ويشلون ولدي عني لاني اتعب ابا اتسوق وابا وابا بليز ساعدوني او على الاقل ادعولي انه الله يحنن قلبهم علي :((((((((((