اخت زوجي

السلام عليكم ورحمة الله وبركاته
اخباركم حبايبي
حبيباتي انا عندي اخت زوج ترفع الظغط في كل شي تقلد وفي كل شي تتلقف وتبدي رأيها
اول كنت استحملها
اللحين في اي لحظه احس بنفجر فيها بسبب لما كنت حامل وولدت عند اهلي
كانت تزن على راس زوجي انه يوزع التمايم وانا وزوجي متفقين اننا نسويها حفله كبيره باستراحه وهي قبل كانت تزن علي وتقول لي لا مانسمح لازم تحطون لنا استراحه و و و
انصدمت لما قال لي زوجي انها تزن عليه وازعجته انه يوزعها ولا. ينتظرني

الموقف الثاني تقول لزوجي الرجال اذا صار عنده بيبي جديد خلاص ينام بغرفه ثانيه مايصلح ينام وينزعج من صراخ الطفل عند زوجته
زوجي يعلمني بسوالفها من باب انه يضحك عليها عشان كذا انا عرفت بالاشياء اللي كانت تقولها بغيابي
صرت اعاملها برسميه وكأنها شي ماله وجود
واحسها صارت بالمثل صارت تحاول ماتتدخل
يعني عقلت

بس انا عجزت اتحملها صرت اكرها كره العما
غصب عني
لان عمري ماأذيت احد ولااحب احد يأذيني

طيب انا ودي يوم ادقها بالكلام ابغاها تعرف اني عارفه عن كل الكلام اللي قالته لزوجي في غيابي
ابغاه تعرف ان كل شي ينقال لزوجي زوجي يعلم على طول

اشرايكم اقول لها ولا اسكتعجزت انسا وربي ماأحب ابو وجهين