اخذته من الحرم بعد ما دعيت بس..

الف مرحبا لكل الحوامل و الوالدات حديثاً و متعنا الله بأطفالنا بكل الصحة و العافية ....الحكاية بالمختصر انا قبل الحمل هذا حصل لي اجهاض في نص الشهر الثاني و الله لا يوريكم النفسية الزفت اللي عشتها و من بعد ما طهرت و اتحسنت صحتي رحت الحرم و دعيت بكل ما اعطاني ربي من اصرار وقوة انه الله يعوضني فقيدي و سبحااااان الله الكريم ما كملت الشهر الا و انا حااااامل اللهم لك الحمد ،،،،، الحكاية مو هنا انا عارفة اني اتفاعلت و نسيت نفسي بس و انا طالعة من الحرم و دموعي على خدي ما اشوف شي ولا اسمع شي يادوب اطالع طريقي جات عيني على واحد رجال معاه كيس ويطلع شباشب عياله على ما اعتقد و يقول هذا حق حازم و سبحان الله من يومها و من اول ما سمعت الاسم حبيته وطاح في قلبي و في نفس اللحظة قلت و الله لو حملت و جاني ولد لأسميه حازم و بعدها ما سمعت شي يعني الاسم دخل من هنا و الحواس اتعطلت من هنا و لما قلت لزوجي قلي و الله الاسم حلو وما عندي ماتع بس المشكلة اخواتي اثنين و خالتي و سلفتي كلهم قالولي انه بايخ و مو حلو و كل ما افكر في اسم غيره احس انه مو مقنعني بالله لو انتو مكاني اش تسوو و هل الاسم لهذي الدرجة بايخ فعلاً ......و الله محتارة ساعدوني.