اخر اخباري

http://forum.hawaaworld.com/showthread.php?t=3952507#post81196644

السلام عليكم خواتي

شكرا لكل الي رد علي ودعالي وبعتلي على الخاص وشاركني بهمي

الجلسة كانت البارحة

صار مواجهه بيني وبين زوجي وصار كتييييييييييير حكي وانفتحت مواضيع ومشاكلنا(( الاجهاضات والتفنيش وجامعتي والشغل والتاخير بره البيت وسوء التعامل)) وتواجهنا بكل اشي بس بعدين حكيت للشبخ هذا كله ما بدي احكي فيه هدا عشته وتاقلمت معاه ومرينا وفيه وخلص انا طلبي للطلاق بسبب اشي واحد هي نور وبس

اطلعت بزوجي وحكيتله مين نور !! حكالي هاي علاقة قديمة ومافي اي اشي بيني وبينها

واجهته حكيتله السلسال والسوارة !! ال رجعتلها حقهم حكيتله اها رجعت حقهم يوم السبت بعد يومين من تركي للبيت رجعتلها 53 الف على حسابها ... رد علي اها كان الها فلوس عندي ورجعتلها اياهم... بحكيله وعلى اي اساس تاخد منها .. بحكيلي ما دخلك ليش اخدهم!!!! يا سلالالالالالالالالام

بحكيله والمصحف والمسبحه!! بحكيلي صاحبي من العمره جابلي اياهم وهي جابتلي بس ما قبلت اخدها منها بحكيله يا سلام صاحبك جابلك بالزبط نفس شكل المصحف ونفس لون المسبحه !! يا محاسن الصدف

سالته عن الشامة!! بحكيلي عادي كل الناس بتعرف عنها .... رديت واااااااااااو ما انت بالبكيني على البحر اقنعني هالرد الصراحة (مسخره))

بحكيله بتعرف بالزبط الاوقات الي بتكون فيها سكايب وعلى الواتس بحكيلي عادي كل العالم بتعرف اول ما اشبك اون لاين اي حد موجود راح يعرف .. بحكيله يا سلام اي فهمتها بس شو عرفها بنظامك الجمعة على القهوة وكل يوم الساعه 6 اختك بتروح و .. و.. و... طبعا ما عرف يرد

حكيتله كنت تنزللها ابوظبي وتضحك علي عاساس عندك شغل... بحكيلي ولا مره نزلتلها ابوظبي بحكيله و 42 الف كاش الي استلمتهم كيف وصلوك بالله!! بطل عارف يرد

وبعدين واجهته بدليل ورى دليل دليل ورى دليل بطل عارف يرد ووجهه احمر وانكتم والشيخ طلع من الغرفه وتركنا لحالنا حكالي برجع بحكيلك مافي اي اشي بيني وبينها وهاي علاقة قديمة اكتر من هيك ما عندي احكيلك ما قبل يجاوبني ولا على جواب

حتى الامور الجنسية البوكسر البخاخ المقويات كلها ما عرف يرد غير حكيتلك هاي علاقة قديمة ... كذاب الحبوب متاكدة وصلت بعد زواجنا ماكانت موجوده بالاول

رجع الشيخ حكيتله لسه بدي الطلاق ما بقدر اعيش مع انسان حياتي كلها معاه خداع وكذب وشك وخيانه ما اعطاني اي جواب ولا اي تبرير

راح الشيخ طلعه وحكالي معكي الحق بطلب الطلاق والقرار قرارك انا ماراح احكم بينكم هلا راح اعطيكي فرصة فكري منيح وحطي كل الاختيارات ادامك الايجابيات والسلبيات وفكري بكل اشي الطلاق مو سهل قرار مصيري وانا راح احكي مع زوجك وانصحه وبعد فتره بحكي معكي وبنعمللكم جلسه تانيه نشوف شو قراركم

وهدا الي صار معي.... والصراحة انا لسه بدي الطلاق اكتشفت زوجي انسان كذاب درجة اولى وخاين ومخادع وظلمني ظلم كتير كتير كبير وظلم البنت وضيع حياتها واستغلها اسوا استغلال

حكيتله 3 اسابيع ببيت اهلي ما فكرت تبعت تسال عني ولو مسج!! بحكي ال بستنى النفوس تهدا بحكيلي ومسج امك الهجومي؟؟ عمل حاله ما معاه خبر امه شو بعتت

حكيتله بعتنا رجال من طرفنا ال ما حد اتصل في .. كذااااااااااااااااااب الرجال ميت مره اتصل فيه وهداك ما يرد

حكيتله البنت بتحكي انك واعدها بالزواج.. رد باستهزاء .. هاي انا اتزوجها؟؟ من عقلك؟؟.... بحكيله عمرها وصل 32 سنه وهي تستناك بحكيلي من عقلك تستناني عشان شو؟ اذا هي رفضت العرسان هاي مشكلتها مش مشكلتي ... بحكيله وامك ما بتعرفها ... حكالي طبعا لا ... مكذب على المخلوقة بكل اشي بكل اشي

حسبي الله ونعم الوكيل بكل رجال بنتهك حرمات البيوت وبستغل بنات المسلمين وبستغل ضعفهم وغباءهم وركضهم ورى قصص الحب و الغرام

حسبي الله ونعم الوكيل بكل رجال بخون زوجته وبحرق قلبها وبخدعها

حسبي الله ونعم الوكيل بكل ام او اخ او اب ما خافوا الله في بنات الناس وما حاولوا يصلحوا بالعكس بصبوا الكاز على النار

حسبي الله ونعم الوكيل فيك يا زوجي على الي عملته في حرقة قلبي الله يحرق قلبك