اخر التطورات مع زوجى تعالو يابنات

السلام عليكم
انا قبل فترة نزلت قصتي مع زوجى بالمنتدى بقولكم اخر التطورات
قبل اسبوعين رحت لهلي ورفضت ارجع لبيتي وهلى قالولي لا ترجعين لبيتك هذا رجال فاااسد ومنتهى وش تبين فيه رجال بايعك وبايع بيته وبايع بنته ليش تلحقينه خليه يتادب ويجى يعتذر عن فعايله الشينه ويوفق على شروطك 
ونا استخرت وجلست عند اهلي مارجعت وطول هذيك الفترة ونا افكر ابي اشوف وين غلطت فيه  وش قصرت فيه مع زوجى علشان يسوى فيني كذا مالقيت اي سبب 
الحمد لله نضيفه ببيتي وبنفسي مهتمه ببنتى وفيه هو بعد لبغى يتروش اروح وطلع ملابسه وحط الروب بالحمام وجهز له الكريم وفرشه الشعر وكل شي الطبخ اتفنن له فيه وسوى حلا وكيك محترمته وحاشمته بس ليه خاني ليه يعنى الحرام احلى من الحلال؟؟ومع هذا قلت بعديها له وسامحه على خيانته بس المصيبه الثانيه الحشيش وما ادراك مالحشيش كيف اخليه يتركه دئما انصحه بس يقولى انا ماراح اخليه 
البيت مايبي ياثثه الثلاجه مايبي يصلحها شكاك مايبان بعينه شي وكل مادق عود بعود قال انا الرجال والكلمه كلمتى والشور شورى انتى ام العيال وزوجتى فقط يبيني بالليل بالفراش والنهار طبخ بس لا حافز يبينى اسجل فيه ولا بطاقه صراف اطلع ولا بطاقه احوال اجددها كل شي لي ممنووووع خوته عاااادي انا لا 
قلت يمكن يتغير يمكن يعقل يمكن يتغير بسبه حملي  لكن ماعندة  اي استعداد يتغير يلف ويدور علشان يطلعنى غلطانه ون العيب فيني انا ونى انا السبب بخيانه لي  
امس ارسلي يقولي لين متى بتجلسين عند اهلك وتعاندين تكلمت معاه بالطيب قلتله ياقلبي انا مابي خراب بيتي ولا تشتت عايلتي لكن يد وحدة ماتصفق انت منت مساعدني وحاط يدك بيدي علشان نكمل حياتنا سواء ماعندك اي استعداد انك تترك عشيقتك ولا الحشيش ياخى كيف يطاوعك قلبك تنام حنبي ونت قلبك مع غيري كيف يهون عليك تعيش بنتك ببيت كله ريحه حشيش وبلاوى كيف تبي تحشش اطلع برا البيت وسو الي تبي لكن انك تسوى هالقرف ببيتي لا حرام عيالي بكرة بيتاثرون بيتعبون يمكن بكرة يدمنون عليه ونت السبب فيه قال انتى ماتبينى انتى تدورين اعذار وتدورين مشاكل 
بجى اخذك الصبح قلت لا ماطلع من دون شور ابوى وهلى تعال تفاهم مع اهلى وطلع معك لكن البس عباتي وطلع من البيت بدون ما قول لبوى ليه قالولك اخونى وبوى مو ارجال طراطير عندك قال خلاص يدقون على ونا اجى قلت لا يشيخ انت الغلطان وتبي ابوى يدق يرضيك استح على وجهك هذي اهانه لهلي معليش لا قال اجل يوم الخميس بجي اخذ بنتى قلت لا لانك لو اخذتها منت مرجعها لي تبي تحرق قلبي عليها لانك حالف لي لو اخذتها منى بتحرمنى منها رح للمحكمه واذا حكملك الشيخ انك تاخذ بنت رضيعه من امها انا اعطيك اياها وجيبها لك 
لكن انت عارف زين انك ماتقدر تاخذها منى الا بعد 7 سنوات واذا انت تزوجت الحضانه لي انا مو لك ياحبيبي قال حسبي الله عليك الله يحرمك ريحه الجنه مثل ماحرمتيني بنتى والله انى ادعى عليك عند الحرم 
ومن امس ونا افكر وش ظلمته فيه قسما بالله ماتبليته ولا كذبت عليه وعند اثباتات وادله عليه انه رجال فاسد ماكذبت بشي 
بس الحين المشكله انى ابي اروح اخذا عفشي من بيتى ووراقي ووراق بنتى 
ابوى بيكلم اخوة الكبير  ان لو جاء اخوة الكبير بطلع وبقول كل الى عندي بس سالفه الادمان محتارة اقولها ولا لا اخاف ان الله يعاقبني اذا قلت لخوة وفضحته احيانا اقول الله يعاقب الكذاب والظالم ونا ماكذبت ولا ظلمت انا اقول الصدق المفروض اقول كل شي ماخبي شي  فمحتارة يابنات اعلم ولا اسكت عن الادمان مع ان اخونى يقول لا تسكتين خليهم يعرفون الحقيقه ويعرفون انك مظلومه ونك ماطلعتي من بيتك دلع طلعتى ونتى معاك الحق ولا تخشين في الحق لومه لائم
ادعولي يبنات ان الله يثبتني وينصرني على كل من ظلمنى
الحمد لله ان اهلي وقفين معاي ومع بنتى ومع الحق الحمد لله الحمد لله