اخر تطورات مشكلتي ،، اخيرا استجمعت قواي واستنجدت باهلي

اسعد الله صباحكم


لو قريتو مواضيعي القديمه راح تلقون اني استشرت كثير عن علاقتي بزوجي
طبعا انشغلت ولا قدرت اكتب لكم تطورات الموضوع بس انا وصل بي الحال اني تعبت جدا نفسيا بسبب تراكمااااات كثيره هو السبب فيها
وصار التعب النفسي يطلع على شكل عضوي تهيج دائم في القولون والتهاب مريئ وضيق نفس وغثيان ع طول الوقت وحزن وووو وكنت احلل جرثومه معده ماطلعت فيني


المهم نزلت عند اهلي منهااااره وقلت يابوي انا طالبتكم تكفون لا تجبروني ارجع له قال ابد انتي عيني وعيالك عيني الثانيه والله ماخليكم
وكلمت زوجي قلت الى هنا وكفايه اللي بينا انتهى الله يعوضنا خير
ومن وقتها قفلت جوالي ولا بيني وبينه اي تواصل نهائي
طبعا راح يتوسط باهله وامه وابوه يطلبوني ارجع وكلم ناس كثير
الان صارلي ثلاث شهور عند اهلي كنت احسب اذا هدأت نفسيتي راح اشتاق له وابي ارجع بس العكس كل مالي أصر عالطلاق لاني ما شفت الراحه والصحه الا يوم غاب عن حياتي خسارته كانت مكسب لي ومرتاحه بين اهلي
المهم اللي قلب موازيني عمي ابو زوجي جاء عندي ويترجااااني ارجع ولك اللي تبين اشترطي اللي تتمنين وغصب عنه راح ينفذلك ويقول انو زوجي منهار وتعبان نفسيا وبس يبكي حالته حاله


ما اخفيكم هو انصددددم مني بشهادة اللي حوله لانه كان حاطني بجيبه وضامن اني ما اتجرأ واختفي من حياته خصوصا ان بينا اطفال فكان يحسب انه راح يدوس علي وماراح اتكلم عشان اطفالي
طبعا هذي اول مره اطلع من بيتي وازعل مثل كذا دايم كنت هاديه مسالمه احل مشاكلي بيني وبينه بنقاش راقي بس هو تمادى علي وجرحني كثير
كان يخليني ابكي عند رجوله واترجاه يرضى رغم انه زعل بدون سبب وفوق ذا ماكنه يشوفني
جرحني بنات جرحننننني احس اللي جوا صدره حجر مو قلب
واحذر الحليم اذا غصب الحين يدور رضاي بس والله قلبي صار قاسي عليه واتمنى يختفي من هذي الحياه وحزنانه على عيالي ان هذا ابوهم


رايكم ارجع له بعد شهر شهرين واعطيه فرصه ؟ ولا اصر على موقفي