بلنسيا @blnsya

محررة برونزية

اخواتي ما ادري اخاف انه اللي سويته غلط

السلام عليكم
عندي عاملة صارلها تقريبا عندي بتكمل سنه
جتني معها جوال ابو كشاف ممشيه امورها فيه تشحنه وتكلم اهلها بين فتره وفتره والحمدالله ماشفت منه أذى او اهمال
لها شهر تقريبا تقولي يا مدام احس بملل ابي جوال ثاني يكون فيه نت اتفرج على يوتيوب واسمع اغاني وقت فراغي
انا خفت هاالشي يخليها تقصر بشغلها وخايفه من عواقبه خصوصا انها مخلصه بالعمل واخاف تخرب بنفس الوقت
طبعا يوميا تجيني تحن ابي ابي وانا اصرفها
تذكرت عندي ايباد قديم مافيه كميرا فقط يوتيوب عطيتها اياه تستخدم النت يعني تدخل يوتيوب وقوقل
قلتلها اذا جا وقت سفرك ترجعينه لي
انا والله مادري الي سويته صح ولاغلط لكن انا ارحمها وعندها وقت فراغ بعض الاوقات وتقضيها جالسه ماتسوي شي قلت تتسلى ومنها اكسبها
ومن جهه اخاف اني خربت على نفسي والاقي تقصير بالشغل وأهمال بس افكر اخاف اني استعجلت

يلزم عليك تسجيل الدخول أولًا لكتابة تعليق.

تسجيل دخول

Noor// • 5 سنوات

لا عادي حرام شكلها تزهق مشان هيك تطلبك انتي نبهيها قولي اذا شفت اهمال باخذه منك

توو123ت • 5 سنوات

مافيها شي بالعكس تبي تنجز عملها بسرعه عشان تفرغ له

متزينة بعقلي • 5 سنوات

عليكم السلام ورحمة الله وبركاته
هالايام كل العاملات معهم اجهزة جوال حديثة ومن حقها تتسلى وتتواصل مع اهلها بوسائل التواصل الاجتماعي لكن حددي لها الوقت انها تستخدمه بعد ما تخلص الشغل كله وانها لو قصرت بالشغل بتحرمينها منه

عواطف تركي • 5 سنوات

ترى الشغالات بشر مثلنا
الشغل والكرف له وقته والنفس لها وقتها وراحتها
ماجبنا الشغالات عشان نستعبدهم ونضغطهم فوق الغربه حرمان
احتسبي الاجر وان شاء الله مافي الا الخير
ياما شغالات بلا جوال ولا انترنت لكن مشاكلهم لا تعد ولا تحصى

بلنسيا • 5 سنوات

الحمدالله كلامكم طمني انا خوفي فقط من التقصير بالعمل والله تعبت جدا معها الحد ماخليتها تلتزم بنظام معين للعمل واخاف تقصر بشغلها لكن انا احذرتها وقلت لو شفت تقصير باخذه منك وأن شاءالله مااشوف منه شر يارب اختي الله يصلحها وسوست فيني قالت الشغاله مثل المراهقه ظروري تنتبهين لها وغيره كلام كثير الله يصلحها بس