اخواتي وحده تقولي يالعانس والثانيه تقولي يالعجوز ؟!

السلام عليكم ياحوائيات بكتب الموضوع تحت عشان تشوفونه واذا تبون تشوفون المواضيع بدون الاعلان اضغطوا على رقم المشاركه يطلع لكم الموضوع بدون اعلان





























بنات انا ضايق صدري مره وخانقتني العبره من امس كنت في عزيمه واختي تقط علي نغزه عشاني ماتزوجت تدرون وش تقول يوم سألتني عن عمري عندها عريس على قولتها بتشوف يناسب ولا لا قلت بكل براءه 24 ومادرت اني بدخل 25 قريب :06:
التفتت على اختي الثانيه وقالت عجوز وتضحك!

انا مدري القاها من مين ولا مين يعني اخواتي مفروض يكونون لي بلسم مو يرقصون على جراحي
واختي الثانيه مره كنا بجمعة وقاعدين وجانا خبر ملكة وحده من قرايبنا التفتت تعلمني قدام البنات وتقولي شفتي فلانه تملكت يالعانس ااااااااااااه بس

يوم قلت لها بعدين ليش تقولين لي كذا وتحرجيني قدام البنات قالت امزح زعلتي ؟
بالله فيه احد يمزح بهالشكل وقدام العالم بعد

وهالايام كل اهلي واقفين لي على سالفة الزواج وقفه ناشبين بحلقي
عشان قبل فتره تزوجت بنت اخوي قبلي وهي اصغر مني
صايرين يضغطون علي يلزمون علي اطلع معهم في العزايم وغيره وانا تحسبوني اذا طلعت انبسط الا ارجع متنكده وضايق صدري الا ما القى كلمه تنطل علي تكدرني

ويتكلمون قدامي عن خطبة فلانه وعلانه وانهم هم اللي دالين الناس عليهم وانا قدامهم ما اهتموا فيني ولا يراعون مشاعري

وخالتي تخيلو اخت امي مسويه عزيمه في البيت وعازمه كل اخواتي الكبار الا انا عشانهم متزوجات ؟
وفي الحضور بنات اصغر مني معزومات تدرون ليش ؟ لانهم متزوجات وانا لا
شفتوا التقدير !

صرت اكره جمعاتهم ولا احب اشوفهم

ومواقف كثييييييييييره لو بكتببها ماراح يكفيني موضوع لازم مجلد

والحين بنت اختي تنخطب ويجيني اخبار انهم يسالون عنها
وخايفه تتزوج قبلي احس صدق بنكسر

وانا مشكلتي اول كنت حاصره نفسي بموضوع الزواج وشايله همه وبس افكر فيه
وحسيت اني غلط ورحت اشتركت بدوره قلت تشغلني
حسبت خلاص ماراح اتضايق من هذا الموضوع لكن لا مازال يقلقني

وغير الخطبات اللي تفركشت
احس اني مخنووووووووووووووووووووقه
ودي اهاجر ولا عاد اشوف لا اقارب ولا احد يمكن ارتاح