اخوية بيتزوج أخت زوجته حسبي الله ونعم الوكيل << مُـعـدل

السلام عليكم ورحمة الله وبركاته

كيفكم يابنات ان شاء الله بخير بطول عليكم تحملوني يابناااات مادري لمين افضفض قلت مافي غيركم يسمعني
بدخل في الموضوع ع طول , والله يابنات من امس وانا مغبووونه وكل بيتنا وامي نفسيتها تعباااانه
بسبب اخوية مدري اقول الله يسامحه ع الي سواه او اقول الله لا يسامحه فضحنا وحرق قلب امي وزوجته

تخيلوو يابنات زوجة اخوية مره مسكينه وجميله وهي بنت جيرانا من زماااان والحين صار لها متزوجه تقريباً 18 مدري 19 يعني شبابها راح كله مع اخويه لاهي حق طلعات ولا حق جوالات يابنات متخيلين ان باقي في وحده بالدنيا ماعندها جوال ولا تلفون بالبيت ولا تطلع ولا تروح سوق ولا عندها زميلات مكرسه حياتها كلها لعيالها وزوجها يمكن تجلس بالأشهر ماتطلع من البيت هي ساكنه عندنا فوق احنا نتجمع عندها كل يوم العصر فوق السطوح ومعامله امي اكثر من ام لها لدرجة احيان احسها باره في امي اكثر مننا لدرجة مستحيل تتغداء لحد ماترسل لامي بالغداء يعني ملااااااااااااك بالأخلاق وبشكل وماشاء الله مااحكيكم عن نظافتها ببيتها وفي جسمها وفي لبسها ورومنسيتها وكل شي ماشاء الله كامله والكامل الله .. اهلها صار عندهم ظرف جابت اختها عندها الحين صار لها سنتين اختها ماتروح بيتهم وتعتبرها بنتها مو اختها تلبسها وتأكلها وماهي مقصره معاها وفتحت لها مشغل علشان تضيع وقت فيه واختها مصليه صايمه وقلت لكم من قبل انها بنات جيرانا .. امس حصلت الطاااااااااااامه الكبرى اخويه طلق زوجته الظهر وعقد ع اختها في الليل بموافقت ابوها واخوها وكلهم موافقين ايش صار كيف كذا مدري
نسأل زوجة اخويه تقول بسوي لها فرح شكل البنت مصدومه وماهي مصدقه تقول وهو يبغاها وهي تبغاه الله يوفقكم ويهنيهم ياليت فيها جمال استغفر الله يابنات اختها كأنها ××× ووجهها كله حبوب ووسخ وجسمها استغفر الله فرق بينها وبين اختها فرق السماء عن الأرض .. اختي تتصل على اخويه قالها هذي حياتنا واحنا حرين فيها ليه حارقين انفسكم واليوم الي تدخل فيه بيتكم اكسرو رجلها ولعاد تتدخلو في الموضوع .. الحين زوجته لا تتكلم ولا تبكي ولا شي سااااااكته تسأليه ترد عليك بكلمه وتسكت .. بنت اخويه تقول خالتي صارت عمتي كيف موقفهم من زميلاتهم ولكن حسبي الله ونعم الوكيل فيها

اسفه يابنات طولت عليكم واعذروني ع الأخطاء الأملائيه لان اكتب وماني مركزه