اخويه طلق وابو زوجته يهدده بحرمانه من بناته

يا بنات احس اني مخنوقة وودي افضفض ورب واحدة منكن دعت دعوة في ظهر الغيب لهم وربي يبر بها

تذكرون مشكلة اخويه اللي كتبتها لكم قبل سنة لما زوجته راحت تولد عند اهلها ورفضت ترجع معاه وصار بينهم

مشاكل وكيف تدخلت بينهم وكذبت لين قلت بس وجبت هديه لها ع اساس انها منه وكل ماكلمتها وسبته اقول له

تراها تحبك وتبغى ترجع وهو نفس الشي يسبها واتصل عليها واقول تراه يحبك ويبغاك

وانا والله العظيم قصدي الاصلاح والبنت الضعيفة

ورجعوا لبعض وجابوا بنت ثانية وتكررت نفس المشكلة بس طبعا حرررررمت اتدخل لو يذبحون بعض قدامي

بعد ولادتها الثانية رجعت مشاكلهم من جديد

معقولة اكون انا السبب مررررة مقهوووورة

البنت ماهي راضية تشيل مسؤولية كل اكله وغسيله برا واذا اشتكى قلت حرام ومعليش ومساعدة لها واصبر

عليها وبتتغير بس مافيه فايدة واي شي يصير دقت على ابوها وكل شي تقوله بالتفصيل وتفاصيل تطلعها

ونسمعها من الناس يستحي الواحد من ذكرها بس هي الله يهديها كل يوم تتصل على ابوها وابوها يتدخل بكل

شي بحياتهم واشياء تافهه تحصل بكل بيت

وهو صبر كثييير واصلا مارجعت معاه بعد ولادتها الثانية الا يجيب لها شغالة وجاب لها

والحين طلقها وابوها يهدد انه ماعاد بيشوف بناته وهذا الكلام كالعادة وصلنا من الناس وما قلنا لاخويه طبعا

هو يا بنات محافظ على الصلاة وكريييييم مع الكل لو تطلب اي شي جابه لها من ورا الشمس بس مشكلته يزعل

بسرعة وشخصيته قووووية مرة والكل يهابه

ادعوا له بظهر الغيب ان الله ما يحرمه شوفة بناته لانه يموت فيهم وحنووووون عليهم مرة والله يابنات يوم كانت حامل

كل يوم ياخذ الكبيرة عمرها سنة ويطلع يمشيها ويجي احيانا عندنا والحليب والحفاظة معاه في كيس

لان زوجته من السابع راحت لهلها وهو عمله في مدينة ثانية ورايح جاي عليها يقضي لها ويمشيها

مجرد فضفضة وشكرا لكن على تحملي