اخوي اصل وفصل وشهاده ووساامه ومع ذلك مالقينا له عروس لاتقولوالبيوت مليانه/ قديم

حياكم الله اخواتي بنات حواءالمشكله ومافيها اخوووي

اخوي عمره الان 27 سنه ومن سنه وزياده وهو يقول لنا دورو لي عروس ووالله يابنات مااكذب عليكم

والله مو عشانه اخوي اقول هالشئ لاوالله العظيم هذي الحقيقه وهذا اللي قاهرني ومخليني متعجبه

تدرون ليش لانه ماشاء الله تبارك الله وسااامه تبارك الله حتى اني دائم اقول له اقرا الاذكار في

المناسبات ومثقف وهادئ وخلوووق وطيب حتى دائم اقول ماشاء الله يابخت اللي بتاخذك ووالله مااكذب عليكم يابنات ان اغلب بنات العائله يبونه ويتمنونه لكن هو يقول ابغى من برا العائله مع اننا حاولنا معه لكن هو قال ابغى من برا العائله لان الوالد والوالده عيال عم وهو يقول ودي اخذ من برا العائله مع انه مرغوووب مثل ماقلت لكم من كل بنات العائله لكن هذا شرطه وحنا قلنا طيب وحاولنا ندور من برا العائله بنت تناسبه لكن لاننا نعيش بمنطقه غير منطقتنا فمالقينا وحده تناسبه وحنا اساسا من منطقة القصيم لكن نعيش باحد المدن التابعه للرياض ولاتقوووولون البيوت مليانه لان للاسف على ارض الواقع مالقينا احد واغلب البنات مايبغون يطلعون برا بلدانهم يعني اذا لقينا احد من القصيم يشرطون يسكنون بالقصيم وكذلك اذا لقينا من الرياض قالوا لازم نسكن بالرياض واحترنااااااا والله
حتى هو الله انه مستغرب يقول معظم زملائي تزوجوا وانا الين الحين وبشهادة زملاءه يقولون انت اكثرنا وساامه ومثقف وعاقل ماشاء الله مايعرف تدخين ولاخرابيط الشباب من المغازل وغيره

ووالله يابنات مااكذب عليكم ان اخوي اذا ودنا مشوار او محل وكان فيه بنات انه يخفض راسه ولايطالع بالحريم اقسم بالله على ذلك مع ان الحريم مايرفعون عيونهم عنه ماشاء الله من وسامته لكن هو عاااااااااقل وشويه كلمة عاقل عليه تبارك الله انا عارفه يمكن تحسبوني ابالغ اقسم بالله اني ماابالغ وان هذي هي الحقيقه وان كل ماشفت اخوي قلت ليتك مو اخوي لانك مواصفاتك هي حلم اي بنت لكن سبحان الله ماادري هل هو حظ لنا سنه وزياده ماقدرنا نلاقي له عروس وش الحل يابناات حواء لاتقولون البيوت ملياانه على قولة اخوي يقول دائم تقولون البيوت مليانه وماشفنا شئ وفي الفتره الاخيره صرت اشوف الحزن بعيونه وهو يردد يقول لو اني من الشباب العابثين او شين قلت معذورين لو مالقيتوا لي لكن وش عيبي اللي خلاني سنه ماالاقي عروس وانا حزينه لحاله:(