اخوي جاه صرع بسببها

السلام عليكم ياحوائيات
القصه هي ان اخوي كان متزوج وحده نكدت عليه حياته كل يوم مشاكل ومع انها عايشه لحالها ماهي طايقه امه ولا أهله دايما تسوي مشاكل ومايعجبها العجب بيعته اثاث بيته عشان يسفرها ويرفهها وهو علي قد حاله
ومافاد فيها للأسف يأجر شقه ويأثثها من الى و مايحل عليها سنه وتخليه يبيع الاثاث عشان تسافر بالفلوس وكل سنه على هالحال
اخر مره يابنات كانت روحتها للأردن مع اهلها طبعا بعد بيع كامل الاثاث وكان زوجها مهددها انها اخر مره تصير واذا مارجعت خلال شهر بيطلقها
للأسف ضلت أكثر من شهر وصار الطلاق
بعد سالفة الطلاق صارت المره تهدد بانها غير تخليه هو وامه يجون يحبون رجليها عشان يرجعونها وانها غير تطلق خواته المتزوجات كلهم مثل ماتطلقت ...... تخيلوا !!!!
مرت ثلاثة اشهر اخوي تزوج وبعد زواجه بشهر صارت لأخوي حالة تشنج وانتفاخ في الصدر وتجيه الحاله يوميا وتطول معه تاخذ تقريبا ربع ساعه واحيانا اكثر
وديناه المستشفى قالوا فيه شحنات زايده في المخ وديناه لشيخ يقرا عليه الحمد لله تحسن شوي
صارت حالة التشنج تاخذ دقيقه دقيقتين مو أكثر لكن بعدها يفيق ناسي كل شي زي الطفل الصغير بالظبط
فاقد الذاكره كليا مايعرف حتى امه يمشي بالشارع ومو عارف بالدنيا شي
تضل حالته يوم يومين احيانا اكثر واحيانا اقل بعدها يرجع عادي
وديناه لشيوخ الي قال فيه نفس قويه والي قال فيه جني قوي والمستشفى قالوا حالته مو واضحه اعطوه ادوية صرع وادوية اكتئاب لان حاول ينتحر
بعد كذا بست شهور تقريبا راح هو وزوجته للمستشفى عشان يتطمنوا على حالهم من ناحية الحمل
اخوي له من زوجته الاولى 4 اطفال وهو شباب في اول الثلاثينات
طلعت نتيجة التحاليل انه مصاب بتشوهات بالحيوانات المنويه وضعف شديد في الحركه
الطبيب مستغرب يقول كيف له اطفال حالته هذي مستحيل يصير معها حمل كيف له اطفال ومو مصدق
والحبوب الي ياخذها ماتسبب هذي المشاكل حسب كلام الدكتور
حاليا يابنات صار اخوي يحن لطليقته ويكره زوجته

حنا اهله ماحنا عارفين نسوي له شي لسى حالته تتطور وكل يوم يطلع فيه مانعرف هو راجع والا لا خايفين عليه من الي صاير والي راح يصير

نبغى مشورتكم ودعائكم دعائكم دعائكم
لأننا مؤمنين ان ربنا فوق كل شي وقادر على كل شي
وحسبي الله على الظالم .