السلام بنات
انا ابي احكي واطلع الي بخاطري معكم
واخذ برايي الي تنصحني بنصيحه هي جربتها
انا متزوجة من كم سنه وعندي بنتين.
في نفاسي الاول كنت متنفسه عندي اهلي وهنا بدت مشكلتي
صار زوجي يطلع مع اخوي الله يسامحه للبحرين
وظل ع هالحال روحه وجيه
اخوي راعي مكالمات وبنات ودايم يقول ان الرجال المجنون هو الي يتزوج
زوجي قبل اولد كان من اقرب الناس لي
كانت مشاكلنا تنتهي بكل حب لاننا كنا الثنين نفقد بعض
انا متزوجته وانا مااعرفه لكن هو حبني من اول ماعرفني
كان يخاف من زعلي ويحن علي
بعد ماولدت تقريبا تقدرون تقولون بعد ماقرب من اخوي انا خسرت زوجي
صار يعرف بنات بالبحرين واغلبهم مغربيات
صار يكلم واذا لقيت هالشي يقول انا استهبل والعب
صار يقابلهم وربي يعلم وش يصير بالمقابلات
قالي انا عندي مشروع رحت خذيت له قرضين ورا بعض واثاريه ماخذها للبحرين
الحين انا نفاس
ولان المغربيات انطردو من البحرين زوجي واخوي ماعاد راح لها
لكن للاسف
اخوي شرا له لاب توب
وصار يدردش ع المسن
انا هالفترة مع النفاس والتعب
بعدت عن زوجي مع اني مارحت لبيت اهلي
صرت انام بغرفة وهو بغرفه
تخيلو ياعالم ع كثر التعب الي جاني والموت الي شفته بالولادة
طلعت لقيت زوجي ماخذ له لاب توب خاص ويدردش مع بنات
وداخل موقع زواج وكاتب انه يبحث عن فتاه رومانسيه يتزوجها مسيار
وربي اكتب وابكي من حرقة بصدري
ولا ودي اضحك علي الناس واتطلق والا وربي اني تعبت
حتى الاكل والنفاس ماعاد قدرت اهتم بنفسي
احس زوجي كذاب يقابلني بوجه ومن وراي يطعني
غير كذا انا ماخذه دين له من عند اهلي حول 200 الف وكلها راحت بمصايب
ادعو لي يابنات وربي اني باموت من الحزن
احس اخوي كسر ظهري ودمر حياتي
وزوجي لو كان لي ماخانني لكني الحين حزينه ع الدهورة الي انا فيها
تكفون الي عندها راي منصح والا واجهت هالشي وحلته تقولي
والله مقدر اعيش مع زوج مايربطني فيه احساس وكل ماحسيت اني احبه جرحني
احذر على قلبي معه وكنه عدو
تكفون ابي دعواتكم وارائكم
والله يهون مصاب الجميع
يلزم عليك تسجيل الدخول أولًا لكتابة تعليق.
حسبي الله ونعم وكيل الاخوان شرهم مو عليهم الا يشبكون زوج اختهم معهم مافيه غير انك تمسكين زوجك وتتفاهمين معه ولا تتعبين ماعليك انا مااقدر اكتب وش سويت مع زوجي لان ناس بالمنتدى لو كتبت الي سويته بيعرفوني راح ارسل لك على الخاصحسبي الله ونعم وكيل الاخوان شرهم مو عليهم الا يشبكون زوج اختهم معهم مافيه غير انك تمسكين زوجك...
الف شكر اختي الغالية ع مرورك
انتظرك
الله يحفظ لك غاليك
اللهم إليك أشكو ضعف قوتي ، وقلة حيلتي ، وهواني على الناس ، يا أرحم الراحمين ، أنت رب المستضعفين ، وأنت ربي إلى من تكلني {1} ؟ أإلى بعيد يتجهمني {2} ؟ أم إلى عدو ملكته أمري إن لم يكن بك غضب علي فلا أبالي ، ولكن عافيتك هي أوسع لي ، أعوذ بنور وجهك الذي أشرقت له الظلمات وصلح عليه أمر الدنيا والآخرة من أن تنزل بي غضبك ، أو تحل علي سخطك ، لك العتبى حتى ترضى ، ولا حول ولا قوة إلا بك
حسبي الله ونعم الوكيل
ولا حول ولا قوة الا بالله
حسبي الله ونعم الوكيل
ولا حول ولا قوة الا بالله
الله يكون بعونك ويبعد عن اخوك وزوجك بنات الحرامالله يكون بعونك ويبعد عن اخوك وزوجك بنات الحرام
الله يسعدك حبيبتي
امين
امين
امين
الصفحة الأخيرة
الاخوان شرهم مو عليهم الا يشبكون زوج اختهم معهم مافيه غير انك تمسكين زوجك وتتفاهمين معه ولا تتعبين ماعليك انا مااقدر اكتب وش سويت مع زوجي لان ناس بالمنتدى لو كتبت الي سويته بيعرفوني راح ارسل لك على الخاص