اخوي شكله بيروح فيها

السلام
واقولكم والله عندنا اخوي واختي تؤام اخر العنقود اعمارهم ٢٢ سنة اي والله
اخوي خطبت له امي بنت خالتي لا والله مو امي لي خطبت خالتي هي لي جات وخطبته حق بنتها
طبعا في فرق كبير بين خالتي وبينا لانها ماشاء الله غنية جدا هي وزوجها
وخالتي تحب اخوي هذا من صغره ومتعلقة فيه ودوم تقول حق امي هذا بعطيه بنتي وفعلا لبسته البنت حقتها
انا اشوف فرق كبير بالتعامل والشخصية بينه وبينها هي قوية قوية جدا مثل امها
والله انا سكتت وقلت لو بتدخل بتصير مشاكل مالي دخل وتمت الخطبة والملكة وكل شي جاهز وزراتنا خالتي امس تقول مانتتظر عرس ولا شي خلينا نسوي حفلة صغيرة وخلاص والبيت جاهز
والنسرة قاعدة معها وحاطة رجل على رجل اعقبي ياقليلة الحيا لو انك تعرفين الاحترام والذوق كان نزلتي مكسورتك قدام امك وخالتك على الاقل ودخل اخوي سلم
قالتله هاا رفعت حاجبها وعطته نظرة ذاك قالها شفيكي بصوت هادي
قالت مافي شي اقعد وين كنت قالها كنت مع صديقي برا يعني حركات يدها يوم تقوله وين كنت ويوم تقوله اقعد حركات وحدة متسلطة وتحطيدها على كتفه انا اقول صحيح تحلون لبعضكم بس مافي داعي هالحركات في فرق كبير بينها وبين اخوي
اخوي والله مسكين همه يطور نفسه وعملي جدا من ٦ الصبح اشوفه صاحي ومتجهز يروح دوامه عكسها خمة نوم تنام الفجر تصحى المغرب ونفسيتها شينة كثير وعصبية ومتكبرة معروفة عند الجميع وعلى فكرة هي اكبر منه بشهرين ترا
فوقها خالتي تبغاهم يسكنون بفيلا صغيرة حق البنت لانه ليه لانه الاب بنى حق كل بنت وولد فيلا صغيرة ومعطيهم اراضي وسيارات وحسابات بنكية
امي مو راضية واخوي مو راضي ولا احد فينا يرضى انه يسكن ببيت ملك زوجته يعني نشوفها مو حلوة بحقنا ابدا بس خلاص امي ساكتة تكريم حق اختها مع اني اعرف انها بتمن عليه عند اول خلاف مثل اختها الكبيرة متزوجة ولد خالتي وعند اول خلاف بينهم قالت حق امها انا بفلوسي مسويته رجال اتخيل اختها بكرى تقول حق اخوي كذا سلامات
عموما صار لي صار وهم كم يوم بيكونو في بيت واحد والله يستر عليهم
انا ماكتبت عشان احش فيها او احش على خالتي لكن احس في شي غلط غلط كبير بزواجهم بس سكتت عشان ما اسوي مشاكل