سعودية ماركه @saaody_markh

عضوة فعالة

اخوي كرة الصلاة بالمسجد والسبب هالشايب شالحل ؟؟!!

السلام عليكم ورحمه الله وبركاته

كيفكم بنات شخباركم

ندخل بالموضوع اخوي الصغير عمرة 11 سنة تعبنا كثير بموضوع الصلاة هد حيلنا :09:ما يطلع يصلي الا بطلعة الروح
وننصح نعامل بالطيب بالهواش مافية فايدة متساهل كثير يمكن تقولون صغير بس حنا نخاف علية لو ماتعود ع الصلاة من الحين معد بيصلي بعدين اعوذ بالله

واذا اذن وراه وراه لين يطلع للمسجد وحنا نفرح نحسبة بيروح يصلي وتمر الايام الا يجي رجال يكلم اخوي الكبير ويقولة ترى اخوك ما يصلي معنا بالمسجد يدور بالشارع لين تخلص الصلاة بعدين يرجع :(

اخواني الكبار ما يصلون بهالمسجد الي حولنا يصلون بمساجد ثانية عشان كذا ما يدرون عنه

المهم انا تضايقت كثير ومسكته وقلتلة ان فية واحد كلمنا وقال كيت وكيت المهم اخر شئ قالي السبب ان فية شايب بالمسجد شكلة يخوف دايم يهاوشني ويفشلني قدام الناس بصوت عالي والناس كلهم يناظرون ومرة فصخ عقالة ورماه علي

هالشايب رفع ضغطي جعله الي ماني بقايلة :angry2: كرة البزران بالمسجد حتى وحدة من جاراتنا ولدها كان دايم بالمسجد ومن جا هالشايب معد راح الولد

ما فيه بزر ما هاوشة يقول ويهاوش البزران الي يصلون بالصف الاول يقول ارجعو ورا الصف الاول بس للكبار
واذا احد منهم اخذ مصحف يقرا فيه يقوم مقلع ويحذفه باقرب شئ عنده ما يخليهم يقرون :09:
يعني انا بالبداية قلت اكيد ما يهاوشكم الا اذا مسوين شئ غلط لكن من كلامه عرفت ان هالشايب المخرف يهاوش بدون سبب حتى فيه عمال تهاوش معهم ماخلا احد بحاله:angry2:

الولد جاه عقدة من المسجد صار بيت رعب موب مسجد كلهم يتنافظون منه ويضرب عيال الناس عادي بدون ادنى احترام ولسانه بذئ الحين شالسوات نشبلنا هالشايب الله يشغلة بنفسة

اقول لواحد من اخواني يكلمه المشكله بعض الشيبان راسهم يابس ما بيتقبل ولا شنسوي

يلزم عليك تسجيل الدخول أولًا لكتابة تعليق.

تسجيل دخول

ام يسوري~~ • 13 سنة

استغفر الله واتووووووب اليه .. مممآدري اش اقووولك .. الله يهدديه لصلآتـه ..

جود الكلام • 13 سنة

والله ماعندي حل لها الشايب الله يهديه
بس اهم شي اخوك حاولو تخلونه يروح مسجد ثاني يصلي فيه

توتوالحلوه • 13 سنة

لاحول ولا قوة الا بالله
لازم يجتمعون العقلاء من اللي يصلون بالمسجد ويحاولون بهالشايب مايؤذي هالاطفال وش ذنبهم اذا هو مخرف
او قولي لاخوانك يتكلمون مع عيال الشايب يمكن ينصحونه او يفهمونه ......
والله قهر حراااااام يحرم العيال من الصلاة بالمسجد مو مسجد ابوه والله ...
قسم بالله انقهررررررررت منه الله يهديه بس.......

الفهد777 • 13 سنة

المشكله ان بعض الناس على باله المساجد بيوت ابوها لا واذا دخل شخص يقعدون يخزونه ويشيلونه ويحطونه بعيونهم بالذات اذا كان مقصر وتاب والا تعالي اسمعي الكلام اللي يفقع القلب ويكره الواحد يدخل المسجد استغفر الله بس وبالذات كبار السن ياعالم الدين مو بس صلاه الدين اخلاق ومعامله افهموا الله يعينكم ياقلبي خلي اخوكي يغير المسجد او يروح مع اخوانك الكبار والشايب هذا في غيره الاف يعني مالو حل تقبلي مروري اختك بدور الطايف

الجرح ارحم2009 • 13 سنة

كلمي الهيئة ونصيحة لاتتساهلون بالموضوع خصوصا اذا مافية ازعاج من الاطفال