السلام عليكم جميعا
مدري كيف ابدأ ولاادري كيف تجرأت وتكلمت بس اللي اعرفه اني حسيت هالعالم (عالم حواء) اجمل بكثير من العالم اللي نعيش فيه
بعالم حواء تلقين ناس يسمعونك يحسون فيك ينصحونك من قلب يواسونك بدون مايكون لهم عندك اي مصلحه باختصار حوائيات كلهم انسانيه
يمكن هذا السبب اللي خلاني اشارككم قصتي ولاول مره بعد الفاجعه اللي مرت بي افتح هذا الموضوع
انا متزوجه من سنتين و4 اشهر كنت اتمنى الحمل مثل كل حرمه واموت لما اشوف طفل قدامي دعيت الله وتعالجت ورزقني ربي بالحمل وطرت من الفرحه اناوزوجي وحلمت بكل لحظه حتى كبر وزوجته
المهم مرت الشهور وانا اراقب نبضه وزوجي ماينام الايده على بطني يسولف مع البيبي وينام جنبه وفي الشهر الرابع كنت اسال زوجي وش ودك بنت والا ولد قال اللي يجي من الله اهم شي اشم ريحه الضنا
رحنا للدكتوره وسويت السونار قالت لي خبر مرررررررررررررره حلو <<<<<<<<<<< دول توأم ياحبيبتي
عاد طرنا من الفرح وحمدنا الله وقلت لزوجي لاتعلم احد ترى العين حق
وبعدها بشهر رحت لموعدي الثاني قالت لي كمان خبر حلو <<<<<< الاتنين اولاد ماشاء الله
ياااااااااااااااسلام حسيت الدنيا ماهي واسعتني وحمدت ربي اللي عوض صبري خير ومرت الشهور وبطني يكبر واحس رفساتهم كان واحد اشقى من الثاني دايم يتحرك ومو عاجبه شس اما الثاني هادي ياحليله وابوهم يهاوشهم يقول خلو مكان لبعض وانت لاترفس اخوك
وكل ماشرينا لهم شي نسولف معهم انا وابوهم نقولهم شوفو وش شرينا لكم زي بعض عشان محد يزعل
المهم بعد فتره وانا بنص الخامس مرض ابوي وتنوم ومرضت امي وتنومت بنفس الوقت وخواتي فالبيت محد عندهم وكنت كل يوم اروح ازور امي وابوي كان وضعهم جدا سيئ نسيت نفسي واللي فبطني لحد ماجاء اليوم اللي ماتوقعته ولاكان يخطر لي على بال كنت نايمه عند خواتي بعد ماجيت من المستشفى صحيت من النوم ورحت دورة المياه الله يكرمكم الاواشوف نقط دم ساعتها انهبلت وادق على زوجي كان بالدوام واعلمه مو مصدق جاء اخذني ووداني المستشفى مابقيت محل خاص وحكومي كلهم عطوني مثبت وبس
بعد اسبوع من المثبتات رحت المستشفى جاني الم فبطني وظهري على طول نوموني وبدت رحلة عذابي بالمستشفى مغذيات واببر ونقل دم جلست اسبوع وشوي وجاني الطلق وولدت وجبت احمد وعبدالله
تبارك الرحمن مااجملهم حتى كل الممرضات منهبلين عليهم وراحوا الحلوين عالحضانه ورحت شفتهم ياويلي عالعيون الحلوه الوساع والفم اللي كنه خاتم سليمان فديتهم مااحلاهم
طلعت من المستشفى اليوم الثاني وهم باقي بالحضانه000000000000000
اذا عجبتكم قصتي وتبون اكمل قولولي
دلوعة عايض @dloaa_aaayd
عضوة نشيطة
يلزم عليك تسجيل الدخول أولًا لكتابة تعليق.
مس آتيكيت
•
كملي
الحمد لله على سلامتك ياقلبي ويتربون بعزكم كملي القصة نحن في انتظاركالحمد لله على سلامتك ياقلبي ويتربون بعزكم كملي القصة نحن في انتظارك
كملي حبيبتي
كملي حبيبتيكملي حبيبتي
حبيبتي انتي اكتبي قصتك كامله كيف يعني تعجبنا ابغى افهم وبعدين هذا الأسلوب مايعجبني على العموم لاتزعلي هذي وجهت نضري
طلعت البيت وبعد يومين دقوا المستشفى الساعه 4 الفجر قالوا الطفل تعبان جاء زوجي بيروح بس منعته لاني خفت يشوفه تعبان ويتاثر اولاسمح الله يسير له شي وزوجي جدا حنون ويحب الاطفال وجلسوا يدقون كل شوي يعلمونا عن حاله الولد والساعه 7 الصباح دقوا وقالوا الطفل توفى احمد رااااااااااااااااااااااااااااااااااااااح راح الغالي راح نظر عيني راح وانا ماشميته ولاضميته لحظني ليش راح توني مالبسته ملابسه اللي شريتها له ولاقعد بسريره والله ان الموت ظالم واليوم اللي بعده رحت ازور اخوه وخنقتني العبره يوم شفت مكان حمودي خالي ورجعت البيت وانا احمدالله على كل حال والساعه 7 بعد المغرب دق رقم المستشفى وقالوا الطفل تعبان ونفس اللي صار اول مره والساعه 10 دقوا قالوا الطفل مااااااااااااااااااااااااااااااااااااات يارب اللهم لااعتراض انت عطيتنيي وانت اخذت راح حبيبي عبدالله راح قرة عيون امه وخلاني ابكيه العمر كله
راح ابوهم وطلع لهم شهادات وفاه بدل مانطلع شهادة ميلاد اللهم لااعتراض وقبرناهم في مقبرة العود
بكيت وبكيت ومازلت ابكي ولاخر العمر ببكي والحين والله اني اكتب لكم ومعد اشوف من دموعي تكفون واسوني انصحوني ساعدوني مدري وش ابي
حملي كان معجزه ويمكن معد احمل هذا كلام الدكتوره
والله اني اتمنى اني ماحملت ولاشفتهم قدام عيني وراحوا حتى بايام البرد وانا بفراشي متغطيه افكرفيهم كيف يتحملون هالبرد وهم صغار وبهالقبر ليتهم بحضني وادفيهم ضمهم تراب القبر قبل لااضمهم بحضني
يارب صبرني واجبر قلبي كيف تحملو الموت وسكراته وانا اللي اخاف ععليهم من غزة الشوكه الموت مايعرف صغير ولاكبير ليته خذني معهم وارتحت
ابي عيالي يارب ردهم لي والاخذني عندهم
سامحوني بس والله غصب عني مدري كيف بعيش بدونهم ياشينها الحياه
راح ابوهم وطلع لهم شهادات وفاه بدل مانطلع شهادة ميلاد اللهم لااعتراض وقبرناهم في مقبرة العود
بكيت وبكيت ومازلت ابكي ولاخر العمر ببكي والحين والله اني اكتب لكم ومعد اشوف من دموعي تكفون واسوني انصحوني ساعدوني مدري وش ابي
حملي كان معجزه ويمكن معد احمل هذا كلام الدكتوره
والله اني اتمنى اني ماحملت ولاشفتهم قدام عيني وراحوا حتى بايام البرد وانا بفراشي متغطيه افكرفيهم كيف يتحملون هالبرد وهم صغار وبهالقبر ليتهم بحضني وادفيهم ضمهم تراب القبر قبل لااضمهم بحضني
يارب صبرني واجبر قلبي كيف تحملو الموت وسكراته وانا اللي اخاف ععليهم من غزة الشوكه الموت مايعرف صغير ولاكبير ليته خذني معهم وارتحت
ابي عيالي يارب ردهم لي والاخذني عندهم
سامحوني بس والله غصب عني مدري كيف بعيش بدونهم ياشينها الحياه
الصفحة الأخيرة