اخيرا ملكت

السلام عليكم ورحمة الله وبركاته
يابنات يمكن تذكروني انا من مواضيعي السابقه كنت دايم اطلب منكم الدعاء لي بالزوج الصالح والله يرزق كل بنت عازبة بالزواج يارب
وانا عندي 4 خوات اصغر مني تزوجوا
وصبرت وعانيت وانجرحت وكل شي حتى وصل عمري 29 اللهم لك الحمد يارب
انا ماكتبت قصة ملكتي من اول ماملكت لاني بصراحه انشغلت بالحياه الجديده وماصرت ادخل النت وماافضى له ابد
بس احين صار معي النت وقلت اجي اخبركم مثل اي بنت يصير معاها خبر حلو بحياتها وتكتبه
انا ملكت في 20/6/1433
من شاب اصغر مني بسنه
انا موظفة اداريه من المشمولين بالتثبيت والى الان ماحصل شي بالتثبيت
لكن خطيبي شاب بسيط وعلى قده
من ايام الخطوبة احس الحياه بسيطه معاه لكن اقول ان الفلوس مو كل شي بالحياه
السعاده والراحه اهم شي وهو يحاول يسعدني ومايقصر معاي وقلبه طيب
خطيبي يهتم بنفسه بلبسه وشعره وهو وسيم واحلى مني وكل شي الا شي واحد وهو اسنانه رافض يهتم بها او يفرشها
مع ان اسنانه حلوه ويقول مستحيل افرشها
مع اني جبت فرشاه ومعجون جديد اهديتها له وكلمته بهدوء وباسلوب لكن رافض
احيانا ماارتاح لرائحة فمه وانا مااحب ابين له هالشي واحرجه
مع انه شاب من شباب هالايام يعني مو شاب متخلف او متحجر ابدا
انا ماصدقت ملكت من شاب غير متزوج لان كانوا الي يخطبوني اغلبهم متزوجين
وكذلك خطيبي يعتبر وحيد ماعنده اخوان اشقاء كلهم من ابوه ومن امه لان والدته مطلقه لما كان عمره 5 سنوات
وانا بعرف ان الحياه يبي لها صبر ومكافحه وان الشي الي نبيه مايجي على الكيف
اكيد امنياتنا يكون شاب غني ووووووو
بس الفقير يغنيه الله لان نشوف فيه اشياء حلوه مانشوفها بالاخرين
لكن ساعدوني كيف اقنعه يهتم باسنانه مع انها بدت تندمر وتتسوس
اكيد مش بس انا يصير معي هالشي اعتقد كثير شباب مثل خطيبي لكن اتمنى خطيبي يكمل اهتمامه بنفسه وتعرفون الاسنان اهم شي المفترض نهتم بها لان اهمالها سها لكن علاجها صعب ويكلفنا كثير
موفقين بانتظاركم حبايبي