عزيزي الفارس الملثم هل فكرت بيوم من الايام بصديقه لك تنسيك همك وتعيشك احلا ايام عمرك
هل جربت ان تعيش معنا الصداقه معها نخرج دائما عن الروتين
صدقوني اللي ماصادق زوجته اعتبره للحين ماتزوج
الزوجه حبايبي مهوب حمل وتفريخ وطبخ وتنظيف
الزوجه حب ودلع تدلع عليك وتدلعها تعزمها وتعزمك
كل مكان تروحون له اي وقت تقول لك طفشانه قلبو ابي اطلعت تطلعون تتمشون تغيرون جو
ويدك بيدينها تغازلها من بعيد تغمز لها تدللعها ياحلو كشختك بعباتك ياحلو ريحتك منبعيد تجنن حبيبتي
تدلعها تقول ااخ منك يابنت اللذينا عليك كشخه ورزه تهبل روحي بعيد وانا بغازلكخلينا نستانس
لاحقها من مكان لمكان
.
حركات لها طعم لصحيح بسيطه لكن صدقوني اثرها كبير وقل ماقاله حنون
للي يفهم وش معنى انثى
للي يعرف كيف يريح زوجته نفسيا
خلونا نقلل من حالات الطلاق اللي تبكي وربي من كثرها
عيشو حياتكم زي ماتحبون لاتطالعون فلان وعلان ولا فلانه وعلانه
اتركو شي اسمه عيب مافيه عيب بين كل زوج وزوجته العيب والله انك تهملها وتطنشها هاتي الغداء سوي شاهي
وش فيك نايمه للحين وش فيك لابسه كذا وشوله تروحين للسوق وش ناقصك
غلط ورب البيت الاسلوب حبايبي بالتفاهم والاتكيت
بينكم له طعم ويخلي حياتكم روعه ويخلي زوجتك خاتم باصبعك
اي شي تطلبه منها تقولك سم يانظر عيني لبيه ياامي وابوي انت تامر حبيبي عيوني لك تلاقيها خدامتك بس بشرط تعرف كيف توصلها وتريح قلبها ونفسيتها وتحسسها بحبك وصداقتك لها
هل لو سويت لها اللي قلت لك بطنشك ولا تشوف منها شي مايرضيك ؟
ولا تشوفها قمر في بيتها نظيفه وبيت مرتب وكشخه لبس ودلع وطبخ سنع وريحة بخور
جرب تحضنها وانت داخل وطالع زياده على اللي قلت لك تسويه
يالبى الحضن وحلاته وطعمه مدري شلون بعض الناس يصبرون عنه ؟
والله للحين اللي ماجربه احس انه ضايع نص عمره وماجرب طعم الانثى وحنانها وضمتها
.
لاتحرمون انفسكم صداقة زوجاتكم وازواجكم</B></I> منقول حبيباتي
كلوى حلوى @klo_hlo
عضوة نشيطة
يلزم عليك تسجيل الدخول أولًا لكتابة تعليق.
فيه ناس يسونها بس في المناسبات
لو يسون الرجال والحريم كذا والله ان الحياه حلوه وتستاهل نعيشها بكل حريه
واكره شي اذا قال عيب او الناس يشوفون حتى مسكه اليد الله المستعان
لو يسون الرجال والحريم كذا والله ان الحياه حلوه وتستاهل نعيشها بكل حريه
واكره شي اذا قال عيب او الناس يشوفون حتى مسكه اليد الله المستعان
الصفحة الأخيرة
اما الرجل يسوي كل هذا والله قوييييييييييييه
يسلمؤؤؤ ياعسل عالموضوع الحلو