السلام عليكم ورحمة الله وبركاتة
حبيت اذكر لكم تجربتي عشان تستفيدون مثلي انا كنت اعاني من السوائل اثناء العلاقة بدرجة خيالية يعني شي مو طبيعي وكنت فاقدة الامل من حل هالمشكلة بحكم اني ارضع وماتجيني دورة(اكرمكم الله) لكن الله يجزاها خير العضوة سدووومة ويفرج عنها كل ضيق عطتني نظام امشي عليه وقالت استمر عليه شهر انا بنزل لكم نصه بعد شوي المهم مشيت عليه بس كنت اتوضا بالقرض وقشر الرمان هذا من عندي واستخدمت تحاميل البوثيل بس بوصفة طبية مو من عندي مع النظام اللي بنزله بتودعين الافرازات والسوائل انا باقي مستمرة عليه والحمدلله ما ابي منكم الا تدعون لي ان الله يفرج عن زوجي كربه وللاخت الغالية سدوومة لانها ماقصرت وقفت معاي وقفت اخت وشجعتني الله يسعدها وين ماكانت
طولت عليكم هذا نص النظام ....شوفي بنبدا انا وياك نضام انفاس لان حالتك تعبانه مرررة
ثاني شي حاولي تقنعين زوجك ان معك حميه على الاقل مدة شهر معليش الي يبي الزين يتحمل وعلشان ياحبيبتي مايروح يدور غيرك ويتزوج لان ارجل اهم شي عندة وناسته واذا ماستانس بالنوم عندك ماراح ترتاحين اتمنى تكونين فهمتيني زين
شوفيلك يوم تبدين فيه علاجك…ومن هنا نبدا,,,,واهم شي قلتلك العزيمه اذا اهملتي ماراح تستفيدين شي .تخيلي انك بنفاس صدق وعيشي الدور صح,,,,,,
لاتاكلين الحلبة الابالعشرة ايامالاولى فقط..يعني سوي الخلطة الي كتبتها الاخت شوكو لاته لكن لاتضيفين الحلبه حطي الحلبه بعلبه مستقله وتاكلينها الصبح مع عصير اوحليب الي تبين
وطبعا بعد ماتصلين الفجر تكونين مجهزة فطورك ياخبز بالفرن ومفروك بالسمن او خبز مسح مع سمن وعسل او عصيدة بس لازم تشبعين بعدين اشربي الخلطه بس زودي عليها رزنه نفس القدار
والخلطه الي كتبتهااختنا مررررة ممتازة خصوصا للارحام والمويات....
وقبل تكونين مجهزة اللهوم... نص كوب ماش ,,ونص كوب فلفل ابيض,,,ونص كوبزنجبيل.طبعا تطحنينهم زين..
وهذي استخدميها بنفاسك وبعد النفاس كل يوم ملعقة صغيرة وكوب حليب دافي علىالريق ,,,,صدقيني فيها العجب وتنور وجهك وترتاحين من وجع المعدة وعفنها وتنظفالارحام وتشدها..الصراحه ودك عدوك مايدري عنها؟
؟والكبو لاتنسينه ابد المغرب والصبحولازم تغطين رجولك زيين بعد الكبو مدة ساعتين ولا تحركين الابعدالساعتين..واهم شي الشراب لاتنزلينه من رجولك اقولك ليه لان الرجول دايمن بارده والبرود اساس خراب الارحام واذا تروشتي تنشفي زيين خصوصا شعرك علشان مايدخلك الهوا
والشي المهم قهوة القشرسويها انتي
ب5ريال قهوةقشر,,,وب5 ريال بشام ,,,وب5 ريال ماش..تحمسين الماش وبعدين القشر والبشام لين تطلعريحة القشر ثم اطحنيهم
وابدسويها مثل القهوة..وبهريها ببهار القهوة الخاص بالنفاس ..واذا ماتعرفينه قوليلي اعطيك مقاديرة الصراحه حنا نشربه دايمن ومستبعدين الهيل بالمرررة..
وانتبهي من الجوع تراه يخربالارحام.وسويها متى مابغيتي حنا طول النفاس مانترك القهوة ابد طول الوقت نتقهوى ..وسويلك حلى من فترة لفتره ...وطبعا تمرة معفوسه بسمن ورشاد تراها فضيعه..وسوي غداك عادي لكن ابتعدي عن الحوامض والملوخيه والباميه والحبحب الي هو الجح
والعشا حاولي تسوين المغرب لك مرقوق او مطازيز او عصيدة وكليها مع الخلطه حقت العتبان او اشربيها مع حليب الي يعجبك
وبعدين عادي سوي عشاك انتي وابو الشباب وفبل تنامين اشربي من خلطة العتبان مرة ثالثه...
ولا نتسين تاكلين فيتامين وفيه فيتامين مررررة ممتاز اسمه حبوب غذاء ملكات النحل رووووعه بس غالي العلبة ب120ريال اذا تقدرين لاتقصرين على عمرك ابد واذا ماتقدرين كملي بالي عندك
العصفورة البريئة @alaasfor_albryy
كبيرة محررات
يلزم عليك تسجيل الدخول أولًا لكتابة تعليق.
درر الرياض2009
•
الله يعطيك العافيه حبيبتي بس يعني لمدة شهر مافي جماع
الصفحة الأخيرة