ادخلو انصحوني

السلام عليكم ورحمة الله
انا وحده من زمان معاكم بس سجلت جديد عشان اكتب موضوعي مابي احد يعرفني

ولانكم مثل اخواتي واستفدت منكم كثير هذا انا جيت استشيركم لأن مالي احد اخواتي واهلي كلهم علاقتي فيهم رسميه والجفا جا منهم مو مني مع محاولاتي المتكرره لتحسين علاقتنا بس ماحد ساندني وانا بعيده عنهم ما اجيهم الا في السنه مره
المهم اجي لمشكلتي واي وحده تحط نفسها مكاني بس بدون تعصب ابغى راي حكيم زي ما عهدتكم دائما
متزوجه من اكثر من 10 سنين ماصار بينا تقبل انا وزوجي من البدايه ولحد الآن ممشين حياتنا بالبركه
وطلبته الطلاق ورفض طول هذي السنين مو مرتاحه معه وكان مقصر معاي كثيييير وانا ماكنت اقصر معه بس خلاص مليت الاهانه وتغيرت وعاملته بالمثل بعد ما اكتشفت انه ما يملا عينه شي دايم عينه على صاحباتي وقريباتي وزوجات اصحابه مو ماليه عينه مهما اسوي واتفنن دايم يحطمني لين خلاص مات الحب بينا وما بقى الا الصبر المهم زوجي اكتشفت انه متزوج مسيار وعادي مو هذي مشكلتي لانه خلاص مايهمني تزوج او لا وما اغار عليه بس انا مو حابه استغفاله لي وخاصه الفتره الأخيره يجي يحلف انه ما بيتزوج حتي من غير ما اسأله ومسوي انه مهتم فيني ومسوي فيها الطيب الحنون ولمح لي انه لو تزوج بيخليني اتعرف عليها ويجيبها بيتي من باب المزح ونا كاشفته هو مقتدر لكن بخيل وتزوجها لانها معلمه ويبي راتبها المهم انا ما ابيه يدري اني كشفته بس مقهوره لانه بخيل علي ومستغفلني وانا مو راعية مشاكل ولا ابي اسوي مشاكل عشان زواجه بس مقهوره لانه يجيني بس وقت هي يكون عندها العذر وانا ما ابيه خير شر كرهته فوق ما انا كارهته وطول وقته عندي وانا الي اخدمه وضيوفه واهله عندي يعني انا مقهوره ان هي ماعليها مثل اللي علي لو كان زواج معلن كنت من زمان طردته ولميت هدومه ووديته لها بس للاسف مسيار ولا تحسبون انه مو عندها لا هو يروح يوميا بس النوم والاكل واللبس وكل شي عندي انا بالزور متحملته واتمني الفكه منه وهو عايش حياته وحابسني على ذمته وهو المستفيد في كل الاحوال