ادخلي يهمني رأيك

يعني كل هالمشاهدات ومافيه وحده اعطتني رايها لهالدرجه موضوعي ماينرد عليه والله غيرتو نظرتي فيكم مااقول الا الله يسامحكم خلاص باروح ابتلش فيها بروحي :(

ههههههههههههه غرامي

بس انتي صراحه صعبتيها لما قلتي ماتنصبغ عموما اذا تقدرين تغيرين نفس الاثاث غيريه واذا ماتقدري الله يعينك يا انك تجازفين وتصبغين او انك تجيبي لك نجار وتشوفي ايش يقترح عليك

ثاني شي الاثاث والبويه والمفارش لاتخلينهم كلهم بنفس اللون لانه كذا ماراح تطلع حلوه لازم يكون فيه تضارب في الالوان
يعني البويه بلون خلينا نقول مثلا وردي والاثاث بلون ثاني خلينا نقول رصاصي والمفارش يا انهم اللونين او على ذوقك والجدار الاخير يكون اللونين سوا يعني وردي ورصاصي وحطي اشياء بسيطه يمين ويسار لون ثالث جديد عليهم مثلا لون اصفر او اورنج عشان تضيفين حيويه للغرفه ( خداديه وحده و تحفه ثانيه التلفون الابجوره الزباله ) ذولا بلون الاصفر او الاورنج

اذا بتلونين جدار غير عن باقي الجدران بيكون احسن بس انتبهي لاتخليه الجدار اللي ورا الدولاب ....
الارضيه اذا بتفرشيها اقترح عليك تفرشيها باللون المخالف للون البويه يعني البويه زهر افرشي برصاصي وحطي سجاده صغير زهر واذا ماتبين تبين سيراميك اكتفي بالسجاده الزهر الصغيره


واذا ميزانيتك تسمح بتغييرات كثير حطي لك شوي اضافات مثلا تلاجه صغيره خاصه لك بيها الشيكولات والعصير والمويه
تلفزيون واقترح بلازما عشان ماياخذ مساحه وعلقيها على جدار مقابل للسرير بس في نفس الوقت لاتاخذي كبيره خذي اصغر مقاس لانها غرفه نوم مو حلو التلفزيون يكون كبير

ايه نسيت الستاره ياللونين سوا اللي هم الوردي والرصاصي يالون الارض اللي هو الرصاصي ابدا لاتخلينها لون البويه عشان يبان انك مسويه شي مو كانك كابه علبة بويه بغرفتك يعني كل شي نفس اللون

اتمنى اكون افدتك ...

ملاحضه اللون الوردي وارصاصي مجرد اقتراح عشان تفهمين الفكره مع انهم حلوين بس على كيفك


انتبهي لاتلونين الجدار بلون غامق يعني فوشي او موف او بنفسجي لانه صراحه عن تجربه قريباتي صارت غرفهم مظلمه مره ...
يعني اذا بتلونين الجدار وردي اختاري افتح درجه
موفقه .. وبشرينا..

مشكوره حبيبتي ام بدر القمر والله يعطيك العافيه انتي الوحيده اللي عطيتيني رايك وذوقك رائع لاني من عشاق اللون الرصاصي وان شاء الله اخذ برايك يعني باخليها ثلاث جدران وردي وواحد رصاصي وباحاول اسوي زي ماقلتي في المفارش والستاير والسجاد بس الاثاث ماراح اقدر اغيره الماديه هالايام ماتساعد يعني لوطلع شكله مو حلو مع البويه الجديده بانتظر كم شهر واغيره
واصلا الاثاث لونه بيج ان شاء الله ينفع عالاقل هالفتره
وتسلمين على كل الاقتراحات ياذوووق ..

اذا تقدرين اصبغي لون الاثاث وخليه على بيج كريمي او ابيض

وشوفي الصور اللي بهالرابط ان شاء الله تساعدك

http://forum.hawaaworld.com/showthread.php?t=2181291

لا حبيبتي خليه ولاتصبغين الاثاث والله مو حلو .. حلاته بلونه الطبيعي
وأعملي ثلاث جدران لون فوشي غامق وجدار واحد أخضر عشبي ..