بسم الله الرحمن الرحيم
مثلي مثل اي بنت بهالدنيا تحلم بالزواج&تحلم بفرحة امها وابوها فيها..
انا البكر لاهلي وطبعا غلاتي غير والفرحه فيني اكيد غير..
ربي كتبلي وانخطبت المهم وبين مد وجزر رفضت لان اهلي ماكانوا يبونه وقلت بتركه عشان امي اكيد ربي بيعوضني وربي الرازق عوضني بعايله معروفه وماشاءالله صيتها عالي..
امي وابوي فرحوا وكنت فرحانه معهم مثلي مثل اي وحده تنخطب مع اني تنازلت كثيييييييييييييييييير...
مرت الايام طبعا جو الحريم شافوني بعدها هو جا شافني بعدها حللنا وطلع التحليل(موافق) ومبروووووووك صرتي عروسه وصاروا يدقون ويباركون...
اجتمعوا الرجال واتفقوا على الملكه هو قال ماابي الملكه الحين وقال لابوي بعدين ادق عليك واقولك ومرت الايام ولادق ولافهم ابوي ليه...
حطهم ابوي فوق راسه يقول لابوه(سم ياعم) ويقوله هو(ياشيخ) دلع ومعزه يمكن بالحياة ماتصيرالا بعدد اصابع اليد الوحده..
المهم تملكت وآآآآآآآآآآآآآه من بعد الملكه صارت اشياء كثيره ومواقف اكثر...
لكل شي بالحياة بدايه ونهايه وجا اليوم اللي تنتهي فيه قصتي كنا نكلم وسكرنا على اساس بنكلم بعض الفجر والتسكيره هي التسكيره...
ادق ادق من الفجرالى الظهر محد رد اخذتلي غفوه واقوم على رساله..تبين ان اللي بينا انتهى..
بالله يابنات بوقتها وش بيكون شعورك؟وش تسوين؟هذا اذا صدقتي اصلا
الحمدلله اللي ماجاني شي...
امي صاحت تعرفون وش يعني اممممممممممممك تصيح قدااااااااامك بحقره ومابيدك شي احساس الدنيا كلللللللللللللله يتجمد فيك..
امي كانت تقولي ابوك يقول ماارتحتله احسه لعاب...
فستان الزواج كان مخلص من زمان جهازي مخلصه منه مابقى الا اشياء مخليتها اذا قرب الزواج
الصاله محجوزه زواجي ماكان باقي له شي...
امي دقت على امه ماعطتها وجه حتى امي تقول تندمت اني دقيت..ابوي راح الين بيتهم ماقدره الولد ويقولي ابوي انا انهنت..سؤال وش بيكون شعورك بعد هذا؟
تغاضينا عن اشياء كثييييييييييره فروقات كثيره...
انا ماانكر اني غلطت كنت شايله الميانه بينا لكن لو كان احد شاريك يكون كلام ثاني...
هذا الشي عطاني صفعه بحياتي ماانساها...
تعلمت ان الواحد مايشوف الظاهروبس لان الباطن اهم
وانك ماتثق بكل من هب ودب لان يمكن الثقه الزايده هي اللي هدمت كل شي
وتغيرت عندي اشياء وصارت عندي مفاهيم احمد الله عليه...
وبعد ان كلام اهلك تحطينه بعين الاعتبار لانهم ادرى لان رأي ابوي كان بمحله...
بناااااااااااااااااات انصحكم اهلكم ثم اهلكم ثم اهلكم اسمعوا كلامهم حتى لوماتبون هالشي وضاع عنكم اللي تبونه ربي بيعوضكم...
اسمعوها من مجربه...
أسأل ربي وحنا بهالوقت الفضيل انه يرزقني أشوف امي وابوي اليوم فرحانين فيني انك على كل شي قدير
ربي حكمت فرضينا بحكمك ولك الحمد على كل حال...
اتمنى قصتي تعجبكم والاهم من هذا كله تستفيدون منها
وصلى الله وسلم على نبينا محمد-عليه الصلاة والسلام-
عضد أبوها @aadd_aboha
عضوة نشيطة
يلزم عليك تسجيل الدخول أولًا لكتابة تعليق.
احاسيس32
•
صادقه والله ..
مهما كان الى يحبك ويقدرك ..
ما راح يحبك ويقدرك مثل أهلك ؟؟؟
الله يصبرك ويعوضك خير دنيا وآخره ..
مهما كان الى يحبك ويقدرك ..
ما راح يحبك ويقدرك مثل أهلك ؟؟؟
الله يصبرك ويعوضك خير دنيا وآخره ..
الصفحة الأخيرة
ويمكن يكون ربي رايد لك الخير انك ما ترتبطين فيه بما ان ابوك يقول ما ارتحت له
موفقه قلبي