ادعولي ربي ينصرني ويفرج عني

قصتي يابنات ان خواتي تزوجوا اصغر مني وانا تاخرت بالزواج وصل عمري ٣٣وكلام الناس احرجني كل مره يسئلوني ليه ماتزوجتي مازعلتي ان خواتك تزوجوا واذا شلت اطفالهم قالوا الله يرزقك والله انو حتى ابوي يفكرني انا الي اخطب لنفسي شافني مره شايله ولد اختي قال فكي الولد تزوجي وجيبي عيال ماكاني بنته ورحت ابكي في الغرفه من القهر وادعي يارب ارزقني وعوضني حتى كان يجي عند باب الغرفه يدعي يقول ياتاخذ عمرها ياتزوجها كاني انا الي مانعه النصيب ولار افضه وانا اتمنى اتزوج وافتك من اهانتهم لي طبعا هالشي ولد عندي حساسيه زايده وعدم ثقه في النفس والله يابنات كان ابوي قاسي عليه اكثر خواتي حتى يتعمد يحرجني قدام اعمامي ولايقول خبله غبيه ماعاد عندي ثقه بنفسي طبعا خشمي كبير شويه كان يقول انفك من بياخذك اذاشربتي يدخل معاك بالكاسه يابنات والله انه ذل ماكان يشجعني صرت عصبيه اعصب من اتفه شي اخاصم طفشت من نفسي والله اني اتمنى حد يدق باب بيتنا وجلست ابكي وادعي باخر رمضان بحرقه ويجيني عريس وراح اقولكم قصة هالعريس (العريس قريب لنا واخته متزوجه اخوي كان متزوج قبل كدا وجلست سنه وطلبت الطلاق منه تقول اذوني وجلسوا يخطبون له وكل مره يجون يخطبوني نرفض لان العائله سمعته شينه واختهم مع اخوي اذتنا يابنات شوهت سمعتنا تقول يكلمون شباب وكل واحده من خواتي معها صاحب ارسلت اخوها يخرب على اختي عند زوجها يقول زوجتك زمان كان تشرد من الجامعه يابنات انواع الاذى هي واهلها اخوي طيب ولايقدر يسوي شي تعب معها وخايف يلطلقها ويضيعون اولاده خصوصا ان اخوانها حقين مخدرات شاء الله وجو عندنا يخطبون وفرح ابوي قال وافقي وانا معك مابيصير شي لك والولد طيب الولد شخصيته ضعيفه مايروح من كلام امه بشي وامه خبيثه يابنات تشجع بنتها على الخطا وتربي عيالها على طولة اللسان ماذين جارتهم ومطلعه سمعه في بنات اخوها يعني استغفروالله يارب
جلست اسبوعين والله يابنات اني استخير ولااحس بشي واقول اخاف ارفض وماحد يجي واخاف اوافق ويطلع نصيبي خايس نمت وصحيت الا امي تقول ام الولد اتصلت وتقول ان شاء الله نجيكم الجمعه النظره الشرعيه قلت انا ماوافقت قال ابوي خليها يمكن خيره وانا معك وتم كل شي وكل شي سريع وملكة وجلست سنه الا اخته تمشكل مع اخوي قالت والله يالي تسويه فيه لاخلي اخوي يرده لاختك ولامره ولامرتين تقول كدا وبعدها الا الام تتصل على امي قالت عسا بنتك بكره بتطردني على ولدي والله يابنات ماقلت شي عان تقوله لكن بنتها تتكذب عندهم حاولت وقلت لاهلي ماعاد ابغاهم وماحد وقف معي وامي تقول كيف نرجع له المهر وحنا اخذنا نصه وسوينا حفله ومشيت وبعدها بسنه تزوجت الولد طيب بس اهله يتحكمون بحياته جلست اربع شهور وتزوج اخوي على اخت زوجي واتصلت امهم تسبني وتحلف لتزوج لولدها وكل مره يتصلون ويحرضون واخر شي تمشكلت معه ورحت لاهلي راحوا يخطبون له ووقتها كنت حامل ولاادري يمكن بشهر ابوي قال نزليه وامي رفضت تقول ماتدرين يمكن ماينفعك الاهو وسكتنا الاالي خطبوها يسئلون هو صدق طلقني قلنا لا قالت الام تقول طلقناها حسبي الله عليهم جليت اربع شهور ورجعني ومشت امورنا وتبهذلت ويحرشون عليه واذا كنت معاه لوحدنا طيب لا اتصلو عليه قلبوه عليه وجاء يسب في غير عقله في اشياء صارت كثير بس مااطول عليكم في النهايه تزاعلت معه ورحت لاهلي حاول يرجعني قلت لا لانو الفاظه وصخه معي مثلا لارحت لعمتي يقول ليش تروحين تحبين زوجها تزاعلنا على هالشي وماكنت باسامحه عليها واكرها يابنات كره راحو زواج واهله جلسوا ببيت اسبوع وبعدها والله يابنات رجع الرجال محرش ويقول بنتكم ماابيها ومدري ايش وخلوها عندكم تراجع نفسها شهر سكت قلت خليه مابرد عليه ومصيره يرجع والله يابنات ان اهله كانوا يحرشونه يطلعني من بيتي لاهلي عشان يروحون هناك واجي واحصلهم قلبوا اغراضي وخربوا يعني اذى لي وبعدها تسولفت معه وكل شي وانا ماادري علي نياتي قال بارجعك بس اذا نزل الراتب البيت فاضي فرحت يابنات واجلس بعدها الا الولد خطب والفتره الي كان يسلك لي شافها النظره الشرعيه وانا على نياتي اهله وهو يطبخون على نار هاديه انقهرت قلت حرام وعيالك قال عيالي يربيهم ابوك ولاكبروا بيعرفوني وماتحسبين بس انتي تجيبين عيال واحاول واقول اعدل وسوا لكل واحده بيت قال ماعندي امكانيه واجربها شهرين واشوف وبعدين تزوج وسكنها ببيتي والله يابنات كل فلوس تجيني اسوي شقتي ولااشتري لنفسي وماخلصنا تاثيث البيت الي بشهر ٣السنه الي راحت وبعدها حاب نص ملابسي قلت ليه قال وش ابي اشمها عرفت انه قلعني سبحان الله يابنات تزوج وحده تزوجت مرتين وتطلقت علشان الانجاب ويوم تزوجها عالجها وشهرين وحملت ولاعاد يدري عناانا وعيالي ولاسوا شي ماشي بحياته ويروحون ويجون وفرحان بحملها ويكتب عنها وانا ابكي ولي الحين ببيت اهلي 10شهور وابوي قال بشتكي يرسل للاولاد ١٠٠٠ شهر يرسل وشهر لا وهالشعر ارسل 600وانا يقول ابوك يصرف عليك وماخذ حساب المواطن وابكي بحرقه وللحين ماتيسر امري وهو يابنات توفق وعاش حياته وحملة زوجته وانا ماودي بالطلاق بس لو رجعت مابيريحوني واذا تطلقت عيالي مساكين معي ثلاثه واذا شافوا احد قالوا بابا ماابي اشتتهم وهو يموت فيهم بس ماادري اذا ولدت زوجته بينساهم يابنات حسبي الله على اخته ماكانت تريحنا تنقل كلامي بلساني وحطوا براسه اني اكره وتعبت يابنات ونفسية زفت ووزني نزل وبشرتي انعدمت واخته اذتنا بحياتنا وللحين يابنات والله ماصار لها شي لو اقول لكم كيف اخوي معيشها حتى حياتها ولاعمرنا تدخلنا فيها ولاندري عنهم الا اذا جونا واذا جت ماتروح لاحد ماتسب فينا عند اخوي كملت دراستها ودشت نادي ووظفها الحين وانا والله يابنات كل حياتي عند اهله يعلم بكل شي زوجي وهم من حقدهم يحرضونهوعلي ولاتسوي ولاتخليها طبعا يابنات زواجه كانت امه تحلف اذا ماتزوج لتدعي عليها ولتتبرا منه هو ماشاء الله بار بامه ولاعمري منعته عنهم حتى اذا اشتريت شي اشترى لهم زي ولاعمري تكلمت لانو اقول حرام لو مايشتري لهم ابوهم مايدفع بس يابنات استغلت هالشي والله حتى الايجار يرسلها على حسابها وتاخذ منه تعزم الحريم وحنا نطفر واخر الشهر يقول اصبري هالشهر بدفع نص الراتب للايجار قلت والي تدفعه على حساب امك قال خدو منه يدري ام اهله يضغطون عليه بس مايرجع الايبكي يحزني والله يابنات والله كان ايام يمر علينا اعندنا اكل وصابرين والي قهرني البنت تدري والام وفوقها اجبروه يتزوج وماسكنها الابشقتي الي كنت فيها انا اخترت ونص الفلوش تجيني من اهلي وكأي حرمه تفرح ان معاها بيت ومستقله بس يارب ماكتبت لي ولاادري وين الخير اعذروني يابنات على الاطاله وماادري اذا مكان الموضوع مناسب يس تكفون لاتمسحون لاحد مايردونوعلي ويكتبون لي كلام يجبر خاطري وينصحوني وقصص يابنات انا في هم لابعلمه الا الله واحس اني ابكي ابي ارجع وهو خلاص نساني حتى كل حالته عنها حسبي الله ونعم الوكيل