كنت في زيارة لااختى في الخبر المهم اخذت عيال اختى وقلت اروح امشيهم علشان كل مره يعرفون ان خالهم بيزورهم يفرحون ويتشققون شفتو النفاق شلون المهم مو هذا الموضوع خذيت عيال اختى ووديتهم الى العاب الملاهي في احد المجمعات المهم بدو يلعبون ومبسوطين الحمد لله كنت اشوف الفرحه في عيونهم وهم ياشرون لى باايديهم مع كل لعبه ماتتخيلون سعادتى شلون كانت . المهم رحت وجلست على كرسي وجلست اتامل اطفال كثير يلعبون برعاية الخدم منهم الخادمه ومنهم السواق الاطفال فرحانيين يلوحون باايديهم الشكر والامتنان للخادمه او السواق لاانهم اسعدوهم خلوهم يلعبون جيرو الشكر لهم كنت اشوف عيونهم يشع منها فرح طفولى برى بينما يقابلها ابتسامه صفراء من الخدم واحيانا بيضاء مزيفه وان كانت هناك فرحة حقيقيه من بعضهم ولكن من احق بهذه الفرحه هل هم الخدم احلى لحظات السعاده ضيعتيها يااختى من يديك لماذا لاانك شايله هم اولادك اهم شي انك تكونى مبسوطه بعيده عن ازعاجهم مادامو هم بينسطون مع الخدم مافيه مشكله والله يالحظة سعادة وفرح نابعه من قلب طفلك وقتها تساوى كنوز الدنيا كلها . اختى نصيحه حرام يكبر اطفالك واجمل لحظات السعادة يعيشونها مع خدم صدقيني اذا كان احساسك ان طفلك بيكون سعيد مع غيرك فاانت غلطانه لاالخادمه امه ولا السواق ابوه اسرعي قبل ان يفوت قطار طفولة ابنائك وتندمى على كل لحظات سعاده ضيعتيها بدونهم جربي مرة واذهبي معهم الى العاب الاطفال وانظرى الى سعادتهم الحقيقه وفرحتهم وهم يلوحون باايديهم لك بفرحه نابعه من قلوبهم اتمنى الا اكون ثقيلا عليكم بمواضعى بس شسوي ربى خلقنى كذا اكره اشوف الغلط واسكت