ادعي على نفسي من البارح

انا وزوجي نموت في بعض حيل حيل

عمري ماتطنزت فيه والا عايرته

هو مزحه كثير وانا استحمل اكثر بس فيه شي قاهريني

انتم خواتي ارشدوني من امس ابكي

ما عندي ام عشت مع مرت ابو ورتني نجوم القايله

ومع ابو كان سلبي الله يطول بعمره ويهديه

تعلقت بزوجي كثيييييييييير بعد ما تزوجنا

انا جدا جميلة لكن عمري ماحسيت بهالجمال اللي يققولونه

طبعا انا نحيفة مرة مرة

وزوجي مو عاجبه جسمي دايم يعير

ويمدح بنات جماعته

وانا اسكت وقدامه اموت بجسمي ونحفي رغم اني من داخل اكره

جسمي لدرجه ما تصدقون نفسي احس اني حرمه

مالي معالم انثويه الا بصدري كبير

قبل اسبوع جاء بعد ماحط راسه على السرير مسك يدي قال

شهاليد انا ماسك عصا وبدا يعير

وطلع ينام بالصالة

وانا ولا همني اضحك

امس طلعنا نتمشى وكان ناسي الموضوع قلت له

انا ادري انك تموت فيني (وهذا الصحيح) بس انت مو مقتنع

من يوم اخذتك لي معك 5 سنوات

مذكر مر يوم الا وجبت طاري نحفي حتى

بالوقات الخاصة

اه يابنات لو تشوفون هواشه علي

انتي ما عندك ثقة بنفسي انتي ضعيفة تبين علاقتنا رسميه

انا ماقلت جذي كا اللي قلته

اذا انت راحمني علشان مرت ابوي لا تغصب نفسك

من بعد ما قلت هالكلمه عصب وماكلمني ابد رحت

للسوبر ماركت وخلاني احاسب واشتري رغم انه

عمره ماخلاني احاسب الرياجيل

قلت له ليش تخليني لحالي

قال عشان ماتزعلين يمكن اشوف حرمه وتزعلين

تقولين انا مب معجبته

زين اشجاب طاري الحريم بشرهتي عليك

انا قلت لك انت من يوم اخذتك وانت تقول لو تسمنين قلت

لك زين بسمن لو ارتحت وخلفت

حتى امه عارفه ان جسمي مب عاجبه

هو كريم حنون حبوب خددددووووووم بشكل ماتتصورون

بس مشكلته مايعترف بخطاه

دايم اهو اللي على حق

اليوم ارسلت له مارد

انا عادي لو ما رد بس انا نقهوووورة

محد فاهمني بهالدنيا ابد

انا اللي قلت له لا تغصب نفسك يمكن انت

صابر علي علشان السلف اللي سلفتك


(انا مسلفته 200,000)

ومن بعد ما قلت هالكلمة طار وما وقع انتي مجنونة اللي بيننا اكبر من الفلوس

رغم اني عمري ما جبت طاري هالفلوس

بس مدري من كثر مايعير

احسه يجاملني

تمنيت اموت وارتاح

ليتك يايمه عندي يمكن تقدرين تفهميني

بنتك بتموت محد قدر يفهمها

اه بس ادري حتى انتم ماراح تفهموني

انا موحساسة بس كثر الدق يفك اللحام

وانا احسه مل من جسمي

امس يبرر موقفه بانه يمزح قلت له المزح مرو مؤتين مو يوميا

قال عاهدتج اخلي علاقتي معك رسميه

وربي مذكر اني قلت له شي كايد

تكفون ادعو علي اموت تكفون