السلام عليكم
احترت كيف اكتب الموضوع من البدايه حتى يكون متسلسل وبأسلوب متقبل من الكل
حتى على الاقل المس طرف بسيط من
بعض المشاعر الموجوده في اغلبيتكم
سمعتو بالمثل اللي يقول طقني وبكى سبقني واشتكى
والايه (ان كيدهن عظيم )
فعلآ وجدت هالشيئين هنا ..
لاتعصبون وتعميكم بصيرتكم عن الحق ..
وشرايكم في زوجه منتفخه من الزعل على زوجها راح وجلس مع امه وخلاها !!!!<<هذا سبب يخليها تنتفخ وتزعل !!
وثانيه تقول يطيع امه في كللللللل شىء !!
وثالثه امه متسلطه !!
يانااااااس اتقن الله هذي امه تبينه يتحظنتس 24 ساعه والله لو انتي متنقعه عند امتس وتسولفين معها وقالتس تعالي ان تنافخين !!
والا لوهي امتس ماقلتي عنها متسلطه !
والمشكله الا المصييييييبه تبي فزعه من البنات
عاد هنا حدث ولا حرج << مجربه وضعتس ..الله يعينتس والله بلشه ... الامهات كذا حاولي تكسبينه ... لا تبيين له انتس شفقانه عليه ..((اسئلكم باللي رفع السماء بلا عمد لو هو لدتس ومرته سوت كذا معتس وش ردت فعلتس وكله بناء قهررررررررررررر ايه منقهره انه يحترم امه ويلبي طلباته وانتم ماتبونه يقول لا لكم
تبونه مثل الخاتم تبرمينه اي جهه ((سواق بلا فيزه ))كومااااااااار
وش بيضركم لو وحده قالت امه ونصحتها عن مكانت الام حتى تمتص غضبها وتهدي الوضع
والا هذا شىء ما يبرد الكبد لازم فيه اكشن !
وثانيه تبي تطرد حماتها من البيت
ليه بحجة انها عروس وصغيره !!!!
ياوالله الكذب <<ياسبحان الله صغيره
قدام باب الغرفه ورا باب الغرفه كبيره !!
ووحده تقول بطلع انا وزوجي وما ابي اخته تطلع معي <<قبل ما يكون رجلتس تراه اخوهاااااا
وغيرهن مثل اللي تقول يغااارون من لبسي
وش اسوي اخاف يصكوني عين <<<<< تكفين ترفقي على عمرتس
وثانيه راسي عورني لاني طلعت مع الباب مع زوجي <<<<<بالله مزوجينتس اياه حتى تقعدين بالغرفه يعني!!
ونفس الفئه تحرييييييض يالله سوي وسوي وسوي <<ماخافت مثل ما تحرضونها على
قطع وحرام ومعصيه تدور الدواير عليكم
ماخفتم من خالقكم ؟
وغيرهم كثيييييييييير وكثييييييييييير ...
لاتقولون اللي يده في الماء غير عن اللي يده في النار..
وكلن عنده هموم ومحد خالي لكن اللي يراقب ربي ويردور رضاه هو بنفسه بيقتنع انه راااضي
وبيحس بالرضى ..
اما اللي اناني يدور وتفكير محصور في رضاء نفسه والله ان يبطي ما لحق رضاها ..فيه امهات
فيهن بلااااااااا عوووووووووووب لكن ماراح يضرتس لو وسعتي صدرتس معها ..
والغالبيه الحين الامهات اللي يبون الستيره من نسوان عيالهن تدخل عليهم تقول داخله حررررب
الموضوع عاااااااااااااااااام ما اقصد احد لشخصه
حتى مايروح تفكير الفئـــــــــــــــــــــه لبعيد ويحرضون كالعاده بنوايا غير.
اتمنى الردود تكون باسلوب لبق
مايتعدى الادب والاحتراااااااااااام ....
(المهاااا) @almhaaaa
محررة ماسية
يلزم عليك تسجيل الدخول أولًا لكتابة تعليق.
الله يجزاك خير كلامك صدق واللهالله يجزاك خير كلامك صدق والله
صح جزاتس الله خير فعلآ هذا المفروض كل وحده تفكر بها الشىء قبل تقدم عليه
واياتس يارب
واياتس يارب
الصفحة الأخيرة
عشان كيذا تعتبر ام زوجها مثل امها تحطها فوق راسها وتحترم حماتها بكذاىتلقى مين يحترمها