اذا الزوج تسلط واهله كملوا..........وش الحل؟؟

السلام عليكم ورحمة الله وبركاته

مساء الخير ...........كيف الحال يابنااااااااااااات؟وحريم عشان ماتزعلون؟:35:

ذبحني الطفش والحيره والقهر والجرح جالسين يتعازمون علي من اللي بينهم يتبدا بي

سؤال وابي اجابات صادقة!!

بنات اذا تقدمت بكم سنين الزواج والعشرة اخذت مكانها بكرت العائلة وبعد ما الله اكرم عليكم بذرية صالحة شلون حياتكم تصير؟؟
تتحسن والا من سيء لأسوء؟؟؟؟؟؟؟؟؟؟؟؟؟:huh:

انا من تزوجت هالرجال كان فيه مشاكل بس قلت يالله هذي حياة كل زوجين في بداية الطريق كانت تمر علي ايام حلوه وبالمقابل ايام قشرا ولئيمه بس برضوا تقريبا شبه مسيطرة على الوضع

لكن من الله كتب لي اني انجب بنتي وابو الشباب الحبيب قرر يشري سيارة جديدة والدنيا منقلبه فوووووق تحت فقدت السيطره تماما

تغير علي زوجي 180 درجة كنت اعرفة بالانسان الحنون الكريم اللي ماينقصة من الاخلاق الفاضلة الا القليل تغير وصار انسان قاسي مثل الحجر لسانه صار وصخ انواع السب والشتم وطوالت اللسان انعدم من عنده احترام الزوجة واحترام طلباتها وحياتها وخصوصيتها وانعدم عنده احترام اهلي اللي مايكنون له الا الحب والتقدير

بالبداية صار يلمح لي بتقصيري في بعض الامور وعدم مبالاتي وقلت بداخلي يمكن معاه حق وفعلا قسم بالله اني بديت اغير واطور من نفسي عشانه بديت الغي الكثير من طبايعي واتطبع بطبايعه صار همي الاول والاخير طلباته وش يبي وش يامر فيه وش اللي على باله البيه له شوي شوي الى ما بديت الاحظ اني اهملت نفسي واهملت طلباتي عشانه

انتي ماتطبخين>>>>طبخنا
ارضي امي عشان ارضا>>>>حطيتها على راسي وصرت لها اشد من اعز بناتها
اهتمي بملابسي>>>>صار همي الشاغل ملابسه وصارت عنايتي فيهن ممتازه عشان خاطره
يقول ابي بنتي ماتنزل لاهلي الا وبأحسن صوره>>>>اجلس حوالي الساعه عشان البس واربط واكشخ واحمم عشان ماتنزل الا بأحسن حال
والله صرت ما اطلع ولا اجي ولا اشك خيط ببره الا بشور منه:(

المهم كل ماخلصنا من طلب طلعلي بطلب جديد وانا ماغير استلم اوامر وانفذ الى ماحسيت اني مجرد خادمة آلية وزوجي يحركني بريموت كنترول:mad:

الى ماتغير وصار انسان عاصي قاسي مثل الصخر اقابله بالاحسان يرده لي شر وعيشة مر
صار يجرح بالكلام
انتي اكلك مطاريس

انتي ماشفتي رجال

انتي ملكعه

انتي وانتي وانتي ............الى ما وصلنا الى يلعن ابوك يابنت الكلـ....!!!!ليش يابو بنتي وحبيب العمر توصلها الى هالحاله وين كنا ووين صرنا:44:

انبح صوتي وانا اقوله مشاكلنا ماااااااااااااااااااااااااتطلع براء مشاااااااااااااااكلنا لنا وبس

الاخ صار يرسل تقارير لخواته واهله بكل زين وشين عني وعنه وكل خلاف يصير لنا
وقبل كم يوم دخل عند امي وماخلا سيرة شينه تخصني الا وقالها لامي وفوق هذا يغرف من بحر الكذب ويقوله...الى ماطفح بي الكيل وصرت بعد انا ادافع عن نفسي قدام امي واقول سلبياته واللي مقصر فيه.......وش اسوي من حرت قلبي:mad:

وماهي اول مره هذي ثالث مره يشكيني على امي ويفضح بي .....واللحين جاي بشي جديد ابي اتصل على ابوك واعلمه عنك

يعني تقصير مادي من سوء ادارته لراتبه واسلوب خايس معي وتجريح ومخلي حياتي كتاب مفتوح لاهلي واهله مع التركيز بسلبياتي اكثر من الايجابيات خلاص اهتزت صورتي قدام الجميع وماعاد احد يحترمني اهله صاروا يتجاهلون وجودي وخواته انزل واشوفهن منتفخات يالله يتكلمن معي كل هذا فزعه لاخوهن علي
وقدري وخصوصيتي عند اهله صارت تحت الرجلين وصار حالي يقارن بحال خداماتهم ومكانتي من مكانت خدامتهم
ولايبان بعينه شي لو اركض له بيديني ورجليني قال ماسويتي شي
انااااااااااااااني بشكل غريب
سيارته والشقة واي شي يخصه لو ابدي رائيي فيه بكل جرائه قال ماااااااااااااااااااااااالك دخل>>>اجل من اللي له دخل؟؟؟؟؟؟؟؟!!!!!!!!!

انا ماقول كرهته لا...........بس ماعاد اتقبلهم هو واهله ولاعاد لي رغبة اتوسط بينهم واعد نفسي منهم وفيهم
تركته وتركت قلبي معه وخليته اخر اهتمامي مثل ماهو جازاني قبل وخلاني اخر القائمه ...ماعاد بيننا شوق ولا لهفة مثل قبل وبديت احس انه عندي مثل اخوي خاب ضني باللي كنت اشوفه الحبيب والاهل والذخر والسند بهالدنيا.....عزلت حتى فراش نومي عن فراشه>>ماهو بكيفي هو حدني واجبرني على هذا الشي
مشاعري واحاسيسي بدت تطفي اتجاهه يوم وراء يوم

والله غصب عني احس جتني صدمه قويه او يمكن احسه كف تعلمت من وراه ان الشي ان زاد عن حده ينقلب ضده وهذا اللي صار معي
تعلمت فكر وخل شعارك بهالدنيا نفسي نفسي يمكن بكذا ترتاح ولا تنصدم بأقرب الناس

الله يسامح من كان السبب

ادعوووووووووووووووووووووووووووووووولي يرجع لي حبيبي لاني ماقدر اعيش بدونه وحياتي صارت ماتسوا شي وهو بعيد عن عيني وقلبي ويحن قلبه علي واتمنى ان اللي امر فيه كابوس راح اصحى منه
والقاء هالشخص مجرد شخص ثاااااااني عشان اشوته برااااااااااااا حياتي:angry2: