اذا امك وابوك مايبغونك؟

سؤال بسيط اذا امك وابوك كبار في السن ويلمحون بطريقه مباشره وغير مباشره انهم يكرهون لما بناتهم ينامون عندهم
حتى لو البنت لوحدها بدون عيالها
واذا حدت الظروف ونمتي تجلسين متوتر ه من تصرفاتهم معك الي
تبين لك انك ثقيله عليهم وينتظرون اللحظه الي تروحين فيها
حتى لو المده ايام بسيطه
وحتى في الزيارات القصيره نفس الطريقه تحسين انك ثقيييله
عليهم
ومن سابع المستحيلات يدقون عليك يقولون تعالي اشتقنا لك
رغم انك شخص لطيف وطيب جدا مايجي منه اذى؟!
وفي نفس الوقت يبينون لك انك مقصره تجاههم ماتزورين !!؟؟؟
يعني بالاصح نفاق قدام الناس وقدامك احياناً زي التمثيليه ا
انه وينك عنا واذا فعلا جيتهم انقلبت وجيههم؟!
وصلت مرحله ازور نصف ساعه واحسهم ينتظرون الوقت
الي اروح فيه
ودايم يقولون مانتقبل بناتنا يتطلقون ؟!
احسهم ودهم يقطعوني !؟
المشكله اهل زوجي مستقلين بنفسهم زياراتهم بين بعض
ام زوجي وبناتها ونفس الحاله من سابع المستحيلات يدقون
يقولون تعالي اسمري معنا لو من فتره ماشافوني مايهتمون
وتسافر ام زوجي مع بناتها ومبسوطه بالعافيه
وعندي اخت كبيره عندها بنات كثير دايم بناتها عندها
ومستقله فيهم اذا قابلتني في العزايم الكبيره جدا تقول
بناتي مشتاقين لك باذن الله ادعيك تسمرين معنا
وهذا كلامها من سنين تخيلو اكتشفت انه كلامها نفاق بس
مجرد كلام على الطاير
ماتعزمني الا في عزايم كبيره ماعمري جيتها الا مع القبيله
كامله
وزوجي دايم مشغول في دوامه متعب دوامه جدا
تخيلو مرضت كذا مره وصلت اروح للمستشفى
واتعب تعب احسني بموت منه وهم يعرفون اني تعبانه
والله ولا احد عبرني يزورني يونسني امي تكلمني بسرعه
تطمن والباقي ولا حرف
تخيلو لما ولدت من جاء يرافق معي ام زوجي!!!
وامي واختي ولا حرف
مع العلم انهم كلهم جنبي بيوتهم تخيلو
وام زوجي احسها صارت رسميه معي ماتبغى الا بناتها
والله خايفه اذا حملت وولدت من بيرافق معي!!!!
افكر اروح لوحدي احسن
اقسم بالله احس بوحشه وعدم امان ومالي احد
يونسني ولا يهتم فيني
اخاف يجيني شئ من الدنيا واكون وحدي مالي احد
ابوي معروف عند الناس بالبخل وسبحان الله البخيل يكون
بخيل بكل شئ ماديا وعاطفياً
مااحس عندي ابو طبعه سئ جدا ويعاملني كأني عدو
اذا جيتهم يطفي اللمبات علي ويصيح علي انا وولدي
ولا عمره قال تبغين فلوس يابنتي العيديه امي
تضغط عليه يعطيني ولا لو منه مااعطاني ريال
رغم انه غنيييييي
ويعطي اخواني الالولاد السيارات والاراضي
لانهم اولاد يفتخر فيهم
احنا البنات يكرهنا وده يقبرنا احناعار
والله يااخواتي اني في حاله مايعلمها الا ربي
مريضه وابكي حالياً مااحد درى عني💔
وخايفه من الحياه قدامي
ودي اطلع اغير جو اسمر اسولف
مافيه احد ابد
والله انه تعدي علي ايام اكون اغلب اليوم ساكته
محد حولي اسولف استوحشت
صرت اتابع افلام كرتون اونس نفسي
بس لما اطالع حولي البنات يجتمعون مع اهاليهم و اخواتهم
يونسونهم وانا لوحدي 💔
حتى السناب اخفيت حالات صديقاتي وبنات قرايبي
ماابغى احسدهم لانهم يصورون جمعاتهم بالعافيه
يااااااااارب فرجك ياااااارب ارزقني سعاده ولاتذرني فردا وانت خير
الوراثين
حالياً انا وزوجي صارت ايامنا روتينيه ممله جدا
وزوجي من الاشخاص الي مايتكلمون كثير
وتعبانه جسديا ونفسياً
ودي اروح عند اهلي اغير جو
بس مايبغوني وبكون ثقيله عليهم ويمكن اسبب مشاكل بين امي
وابوي
لانه ابوي يصيح علي وعلى ولدي ويسوي تصرفات مايسويها العدو
فأمي تجلس طول الوقت تهديه وتغير الموضوع
فلما افكر اقول بجلس ببيتي احس
بس والله تعبت 💔
لي اخت في مدينه ثانيه تعاني زيي ودها تجي تزور اهلي
وتنام عندهم اسبوع تكلمهم مارحبو فيها ولا شئ وما جت
لما رحت لامي ازورها مره قلت لها مسكينه مابتجي اختي!
قالت امي احسن فكه والله اني شلت هما زين انها ماجت
مو لازم تجي !
تخيلو تقوله قدامي يعني حتى انتي افهمي
اقسم بالله فيني شعور ماعاد ابغى الحياه احس مااحد يبغاني 💔
اتمنى تدعون لي بدعوه صادقه من قلوبكم تكفون
واعطوني حلول
الي يقولون ادعيهم عندك
والله اني اعزمهم عندي
حتى اختي الكبيره دايم اوجبها هي وبناتها
واهلي ابوي واخواني
وامي وام زوجي
كلهم اوجبهم واعزمهم واضيفهم احسن ضيافه
والهدايا كل الاطراف اجيب لهم اجمل الهدايا
واذا جيتهم ادخل ومعي شئ في يدي
واحاول اجامل والطف الاجواء
ولمحت وقلتها لهم كذا مره اني استوحش وذبحتني الوحده
فأخذوها بشماته وسب في زوجي انه هوه مسؤل ليش ما يطلعك كل يوم تغيرين جو !!!
ابغى نااس ؟!
وولدي حبيبي عمره سنتين لكم ان تتخيلو انه مايقابل الاطفال
الا فيما ندر اخاف يصير زيي💔
احيانا يعدي يوم كامل وانا وهو جالسين على الكنبه قدام التلفزيون


لكن انا الي لاحظته
انه ماعاد احد يبغى احد
ام زوجي تبغى بس بناتها
وامي تبغى الفكه مني عشان تفتك من ابوي
واختي استغنت ببناتها
الله لا يحد احد على احد ويغنينا ربي من فضله 💔
ماعاد به حياه
ادعو لي بالشفاء من المرض الي فيني مو قادره انام وصايمه مقدر اخذ مسكن 💔
ياااارب