اذا اهل زوجك يدخلون عليج بدون اذن شتسوين ؟؟ ارجوكم عطوني حل

السلام عليكم ورحمة الله وبركاته

اهل زوجي زينين والحمد لله لكن فيهم كم شغله مو عاجبتني كلش وخلتني اتضايق منهم لدرجه قمت مااحبهم

الشغله الاولى يدشون علي بدون مايطقون الباب انا عندي قسم صغير خاص فيني غرفة ومطبخ وصالة ..مرات اطبخ وانا حالتي حالة ولابسة لبس قصير واشوف وحدة من خواته او امه داخله علي ..طبعا انا اقفل الباب بس ولا مره نسيت الباب مفتوح ومادشوا علي بهالطريقة..والله مره في غرفة نومي قاعدة اغير ملابسي الداخليه بنت اخته مره كبيره ومتزوجة ضربت الباب ضربة وحده وفتحته علي ..شسوي لهم تعبت منهم الصراحه طبعا كلهم جذي الي قاعدين معانه في نفس البيت وخواته المتزوجات الكبار نفس الشي ,, قلت لزوجي وطبعا ماسوى شي ومايرضى على اهله..

و مرات انا قاعده اطبخ ومنومه بنتي اذا وحده من خواته تجي مااشوفها الا داخلة غرفة النوم بدون ماتقول لي حجتها تبغي تشوف بنتي ..وامه اذا جت ماترضى تقعد الا بغرفة النوم ومرات ابغي استحم اقول لها قعدي شوي بالصالة تقول لا هني احسن شسويلهم مايحسوون

الشغلة الثانية هم عائلة كبيرة يوميا يجي حد منهم ويجون مجموعات كبيره ويسوون ضجه مع عيالهم وانا مااقدر خصوصا عقب الفطور راسي يقوم يعورني وبنتي تبغى تنام ..واصلا ماعندي وقت استقبل كل شوي حد منهم لان عندي طفلة صغيرة وتعرفون شغل البيت الي مايخلص ومرات ماافتح لهم الباب اذا مشغولة كلش بس هم من يشوفوني مافتح الباب يكسرونه من الضرب ..

وشغله اخيره شتسوون اذا مرة حماكم تودين لها احسن الاكل الي عندج وهي كل مره تجيب لك اكل بايت حتى طعمه معفن ..انا مابغي منها شي بس انقهرت من جابت لي اكل مخترب وحسيت انها محتقرتني

ارجوكم عطوني حل كيف اتصرف معاهم