اذا جانا ظيوف اتعب وهي مجرد زياره

مساء الخير مشكلتي اني اكبر اخواني واذا جانا ظيوف حتى لو زياره بسيطه انهك واموت من التعب المشكله اننا ما نتكلف بس مدري ليه انا اتعب ابقولكم البرمامج طبعا اذا اتصلو الظيوف اهون لكن البلا الي يجون ما يتصلون المهم البرنامج اول ما يجون اكون توي مخلصه من المطبخ والمواعين ولويه بعدين اروح اجيب لهم مويه او عصير بعدين القهوه والشاي والحلا بعدين اقهوي الى هنا ماعندي مانع بس يكون معهم بزر يطلع للحوش ويضيع امه ويبدا يصيح وتقولي الضيفه فلانه جيبيه لو سمحتي واروح اجيبه وبعدين يطلع مره مرتين ثلاث عشر وانا بس قائمه جالسه امسك واجيب وبعدين يخلص جركل المويه واروح اعبي واجيب لهم يشربون واحيانا يجي زوجها ويدخل لم المجلس واروح اسوي شاي وقهوه واروح ادور احد من اخواني عشان يستقبل الظيف وانا بس ركض مع ها الدرج طالعه نازله والي يقولي اقلبي وجهك وانا مدري انتبه للقهوه الي على النار وبعدين احهز صواني وفناجيل وكاسات لرجال ولا اروح ادور في البيت ادور احد يستقبله وثم الظيفه تبي دورة المياه الله يكرمكم ولازم اروح اوصلها تبيني احرسها عند الباب لانها تخاف يمر احد وانا اقولها امان بس هي تقول لا خليك واقفه ثم ترجع وتبدا الظيفه الثانيه تبي الحمام وهكذا بعدين احد الاطفال يكب شي واروح احيب امسحه يعني وبعدها احس بيغمى علي من التعب ويبان على وجهي المشكله انها مجرد زياره اجل لو عشاء كان وش اسوي يعني طول فترة الزياره ثلاث ساعات بس اركض لا واذا معهم شغالات اشد وافنع كل شوي امي وخالتي روحي عطي الشغاله مويه والظيفه روحي شوفي وين الشغاله اخاف تنحاش واروح ادور عليها او روحي ودي لها حمودي واروح اوديه لها وبعدين ها الشغاله بتلعب حمودي في الحوش وبعدين يقولون لي روحي شغلي لها المبه