اذا زوجج زعلج لا تغلطين عليه ( قاعده)

السلام عليكم ورحمة الله وبركاته :)

خواتي انا توني متزوجة من 3 شهور و المشاكل الي بيني وبين زوجي كثيييييييييييييرة :22:

و في نقطة مهمة احب انبه جميع المتزوجات عليها واهي

هل انتي اذا زوجج زعلج و اهو الغلطااان انتي تراضينه ؟!

انا عن نفسي جذي :(

بس الحين عرفت ليش يصير جذي


لان اذا زوجي زعلني اقوم و اغلط عليه بالكلام و اعلي صوتي فراح ياخذها فرصة وراح يزعل علي لاني عليت صوتي ووووو




فنصيحة اذا زوجج غلط عليج لا تغلطين عليه و خليه يحس بتأنيب ضمير زعلي بس ادي واجباتج كاملة



بقولكم موقف حصلي مع زوجي :arb:

مرة قاعده اتناقش مع زوجي
قتله ان اهلك عندهم عادي تقول هالكلام مع بنات خالتك بس صراحة عيب والمفروض انك ما تقول هالكلام
قال : يعني احنا ما نعرب العيب
قلت : انا ما قلت جذي انتو عندكم عادي بس هالكلام عيب يمكن من كثر ما تعودتوا ماقمتوا تحسون انه عيب
قالي : لا احنا ما نعرف العيب انتي قصدج جذي
انا سكت وقلت مو قصدي
قال : لا قصدج يعني احنا مانعرف الاصول مانعرف العيب
سكت
بعدها بدقايق حس وقام يراضيني :27:





وموقف ثاني

واهو ان زوجي قايل كلمات مثل ( فديتج و يا اغلا من الغلا و لج احلى وردة و تحية حااارة مني لج )
انا يوم دريت وشفت هالشي بعيووووني مت من القهر :08:و قعدت اصارخ على زوجي و ادعي عليه و اتحسب و زعلت
و زوجي ماراضاني ولا شي و تخيلو انا راضيته
كله مني انا الي جبت الكلام حق نفسي


و في وحدة
قالت حق زوجها بطلع و الزوج قال اوكي
المرة حصلها ظرف و ما طلعت
و سمعت زوجها يتكلم بالتلفون
فقامت و شالت السماعه و الا كان يكلم وحدة و كانت تقوله انت بروحك في البيت قالها ايي قالت بس غريبة كانه احد شال السماعه قال لا ماكو احد متاكد ان زوجتي طلعت
سمعت الزوجة كل الكلام و كان كلام اعووووذ بالله كله فحش و كلام قمة في قلة الادب
بعد ما خلصوا سكرت الزوجة السماعه و راحت حق زوجها و قالتله تبي عشى
طبعا الزوج وجهه الواااااان
تخيلوا يقول مالي وجه اشوفها قولولها خل تزفني خل تصارخ علي خل تسوي اي شي بس لا تسكت جذي






يارب تكونوا استفدتوا و فهمتوا ما ارمي اليه --------> احلفي :42: