اذا كنتي بدالي .. شو بتسوين هل راح تستمرين معاه ولا بتفصلين ؟

شحالكم حبايبي

الصراحه عندي مشكله ما يعلمها غير الله وانا اعتبر صدق انها مشكله وافكر فيها ليل ونهار
:09: وانا لاني تعودت عليكم حبيت اقولكم مشكلتي
واتمنى اللي تقرى تقولي اذا هي بدالي شو بتسوي هل راح تستمر معاه ولا بتنفصل

بقولكم مشكلتي بالضبط

انا انخطبت من ولد عمي من 8 اشهر تقريبا كنت اعرف انه يباني من عمي وتوقعته ميت عليه المهم ضحيت باللي يوني ووافقت عليه .... ومن اول خطوبتنا
والله ما شفت الا العذاب والدموع .,.. يدعي الحب بس ما شي دليل
لا يقولي كلام حب ولا شوق ولا شي ولا يقول متى نجتمع ومتى ؟؟..........يعني مثل باقي الرياييل
اوكي بتقولون كلام الحب مب دليل الحب اوكي
حتى اتصال ما يتصل الا في اليوم مرتين ولا بعد قبل ما ينام يعني مدوووووووووخ ودقايق ويبند وفي الويك اند بدل ما يعوض عليه ... يسهر ويا ربعه لين الفير ويكلمني ربع ساعه وهو فيله رقاد ويبند
واذا ياه من وقت ييلس ع الكمبيوتر او ييلس ويا اهله بعدين وقت اللي فيله رقاد يكلمني ويوم اقوله ليش متاخر متصل ...يقولي ما يلست ويا اهلي ...
:30: انزين مب على حسابي انا
قلنا اوكي ........ واذا كلمني ما يبين انه مشتاق يمكن من اول خطوبتنا سمعتها مره وحده يقولي
مع اني والله ما امدح نفسي بس انا على قدر من الجمال والاخلاق والثقافه الحمد لله ويعلم الله ان الكل يقولي انتي دره بس خطيبج ما يستاهلج .......
لا تقولون انتي ما تخلينه يتعلق والله اني اكتبله خواطر بين كم يوم اسال عنه اهتم فيه بس شفته مطنش خلاص قلبي ماعاد يقدر يعطي بدون مقابل يوم اقوله واصارحه يقول مب لازم تشوفين مقابل اللي تحب تعطي ما تهتم بالمقابل ...:eek: قلتله مستحيل الوحده تعطي الحب بدون مقابل اصلا الشخص اذا شاف الحب والاهتمام من طرف واحد يمل والله ما اقدر اعطيه خلاص .. استحملت وايد واقول يمكن يتغير يمكن يتغير ........ بس هو يحس انه ما سوه شي
لا اتصال ولا حب ولا شي
قولولي اي بنت بتستحمل ؟
انا وايد يتقدمولي الحمد لله ..وافكر انفصل عنه لاني ما حسيت باي رومانسيه ولا حسيت اني مخطوبه والله في الويك اند يتصل فيه مرتين الساعه مثلا عشره ف المساء يقولي وينج وكذا ويبند وما يتصل الا اخر الليل وهو منتهي
هاي حاله ؟؟؟
لاتقولون صارحييييييه صارحته بس كله يقول عادي ما سويت شي ...صبري صبري
لين متى ؟
حتى هو يعترف يقولي خواتي يقولون انته بارد ومطنش ومب رومانسي
ويوم اقول انه حد تقدملي ولا اي شي ابيه يغار عليه ابيه يحس انه حد مهتم .. اقل شي يسويه يسكت ولا يقول شي ..
ابيه يحسسني بوجودي ابيه يمدحني مثل باقي الرياييل ابيه حد يحسسني بكل شي بس هو ولا مهتم .....اسمع احلى انوع المدح من الناس ومن رباعتي بس منه ... ولا شي.
يوم يسالونه على الزواج يقول الله كريم بعده تخيلو مب محدد اليوم ولا كانه مهتم اونه بيمع فلوس وبيكون نفسه .. وهو كل سنه يسافر ويخسر فلوسه على الماركات والخرابيط
واذا في الدوام حد من ربعه من بعيد سالو انت خاطب ما يقولوهم تخيلو ما يلعوزوني ... ومره عمتي قالت حق اللي في الدوام انه خاطب عصب قال ليش تقولين ؟ قال ما احب اونه اذا عرست بعدين قولي
سالته عن السبب اونه عسب ما يلعوزوني ويسالوني متى العرس ؟
استويت والله اشك فيه .. محد يخش انه خاطب الا اذا في خاطره شي ..
ماعرف شو اسوي
لو انتو بدالي شو راح تسووون وانا صغيره عمري 21 سنه يعني بعده العمرجدامي
هل هاي اسباب مقنعه لانفصل
تريييت وايد بس كل يوم اخس عن قبل
لا تقولون بعد الزواج بيتغير ؟ شو ضمني ؟ اختي قالتلي اذا هو من الحينه مب سائل عليج بعدين كيف بيكون ؟
يوم اعطي رومانسيه اشوفه عادي ما يبادلني يوم اطنش يطنش ويايه شو اسوي
ما شي اي دليل انه يحبني مع انه يقول الحب بالقلب وماعرف كيف ؟؟؟
لا حب لا اهتمام ولا اتصال ولا يحسسني بغيرته ؟
عيل شو دليل الحب ؟
شرايكم هل انفصل عنه
ولو انتي بدالي شو بتسوون
:30: