مشكلتي نشأت من البداية
حيث تم زواجي عن عدم رضى واقتناع لفارق المستوى التعليمي
بيني وبين زوجي ولكن منذ 18 سنة كانت نظرة الناس انه رجل يصلي ولايدخن هذا السببين كااافيين عشان يتزوج الشاب اي فتاة
انا من مدينة القصيم واهلي زوجوني هالرجل لانه قريبهم
تفاجأة من البداية ان هذا الرجل
مافيه بيني وبينه اي نقطة التقاء ماعدا الفراش
حيث كنا دائما نتصادم لاختلاف وجهات نظرنا
انجبت منه بنت
ولازالت المشاكل ولكنه اصبح يمد يده ويضربني على اتفه الاسباب
جبت مع البنت بنت على امل انه يزين وبصبر صاااار الرجل
يحس انه خلاص تملكني ولا اقدر اتركه وصار يهيني
على كل صغيره وكبيره لا وراح تزوج علي حرمه اكبر مني
وعايش معها ياسلام في احسن حال والضرب والاهانه ل انا
والله قدام عيالي يضربني قدام الشغاله
لدرجه انه مره نزلني في الشارع وضربني (حسبي الله عليه )
ومع هذا كله يتحسف ويعتذر مني (اهو يحبني لكن انا من معاملته صرت اكره اكره )
اسلوبه معي دمار صرت اكره فراااشه واكره مقعده
طلب مني ما اكل حبوب منع الحمل وهددني
وقال انه اهو بيسوي مانع من عنده وجبت مع البنتين اربعه اطفال زياده
وصاروو سته وهو لازال على طبعه
لا ويسبني ويتهمني في شرفي داااائما على اتفه سبب كذا بس عشان يحطمني
ويضربني على اتفه الاسباب ويعاملني كاني بزر ما افهم
اهو متسلط متجبر مسيطر حاكرنني في البيت لا طلعه ولا خرجه ولا شيئ
كرهت نفسي نفسيتي اندمرت صرت اضرب عيالي على اتفه سبب
لاني اكون مشحونه منه نفسيتي صارت دمار ماعاد عندي ثقه بنفسي
اخجل من الناس حتى اللي ما اعرفهم
متردده ماقدر اخذ قرار
الى قبل اسبوع ضاربني قدام عيالي والشغاله
وجوووو بناتي وفكوني منه ويوم فكوني منه ضربهم
الى متى هالقهر
انا افكر اطلب الطلاق وش رايكم
بس الي مرددني عيالي تتوقعون لو بطلب الطلاق وبروح في ستر الله
عيالي بيعيشون سعداء والا بيضيعون
ولو قلتو اقعدي عشان عيالك
اقولكم ونفسي اللي ضاعت وماعاد لقيتها
احس اني صرت موب انا
شخصيتي رااااحت
اذا فكرت بعيالي اقول بيروحون وبيتزوجون وبيتركونه
لكن انا بقعد معه الى ان امووت (مانيب متخيله )
ياناس كرهته حتى والله اني صرت اشوفه زي الحشره
ولو فتحت فمي باي شئ ضربني وطير عينه فيني زي الوحش
ابي شوركم
انا عازمه على الطلاق بس ابي احد يدفعني هل اصر عليه والا وش السوات
عيالي البنتين عمرهم في الثانوي والمتوسط
والصغار ابتدائي 2
و2 توهم صغار اصغرهم سنه ونص
ابي شوركم وهداية الله
على فكره هذا معرف وحده اعرفها من بنات القصيم الله يجزاها خير اخذته منها عشان اشرح لك مشكلتي وابي شوركم يالغالين
اخصائية تخاطب @akhsayy_tkhatb
عضوة جديدة
يلزم عليك تسجيل الدخول أولًا لكتابة تعليق.
مدري احس صعبه عشان عيالك اصبري عليه يعني عيشي معه عشان اولادك بس ومشي الحياه معه لاتدخلي معه في نقاشات ومشاكل اذا شفتيه بدا يتمشكل طنشيه يعني عيشي لنفسك ولعيالك بس احس عيالك محتاجينك حرام تروحي وتخليهم يتشردو وهم ماشاء الله كم سنه وبيحملونك وبيحمونك وتعيشين في ضلهم ومارح تحتاجينه في شيمدري احس صعبه عشان عيالك اصبري عليه يعني عيشي معه عشان اولادك بس ومشي الحياه معه لاتدخلي معه في...
الله يرزقك الحلم والصبر
آريااف
•
يا حبيبتي قدمي تنازلات علشان اولادك واصبري وادعي الله فارج الهم الله يفرج لك بالدنيا والاخره
آريااف :
يا حبيبتي قدمي تنازلات علشان اولادك واصبري وادعي الله فارج الهم الله يفرج لك بالدنيا والاخرهيا حبيبتي قدمي تنازلات علشان اولادك واصبري وادعي الله فارج الهم الله يفرج لك بالدنيا والاخره
قدمت تنازلات كثيرة
طلقني مره وتنازلت ورجعت له لكن بلا فائدة
انا رضيت بالهم والهم مارضى بي
يالله انك تفرجها من عندك وتختارلي الزين يارب
طلقني مره وتنازلت ورجعت له لكن بلا فائدة
انا رضيت بالهم والهم مارضى بي
يالله انك تفرجها من عندك وتختارلي الزين يارب
الله يفرج همك ويفك ضيقتك
لو تتاكدين ان عيالك بيعشون حياة زينه عند اهله ابوهم
بقول اتركيه لكن تتركينهم للضياع ما ايدك ابد انتي وصلتي
مرحله صعب انك تتخلين عنهم وكل قرار تفكرين فيه ارجعي لربك
واستخيري هو باذن الله بيرشدك للصواب لانه ارحم بك من اي احد
لو تتاكدين ان عيالك بيعشون حياة زينه عند اهله ابوهم
بقول اتركيه لكن تتركينهم للضياع ما ايدك ابد انتي وصلتي
مرحله صعب انك تتخلين عنهم وكل قرار تفكرين فيه ارجعي لربك
واستخيري هو باذن الله بيرشدك للصواب لانه ارحم بك من اي احد
الصفحة الأخيرة
اصبري عليه يعني عيشي معه عشان اولادك بس ومشي الحياه معه لاتدخلي معه في نقاشات ومشاكل
اذا شفتيه بدا يتمشكل طنشيه يعني عيشي لنفسك ولعيالك بس
احس عيالك محتاجينك حرام تروحي وتخليهم يتشردو وهم ماشاء الله كم سنه وبيحملونك وبيحمونك وتعيشين في ضلهم ومارح تحتاجينه في شي