ارجوكم تخيلوا نفسكم مكاني... موقف بايخ

السلام عليكم بنات
هذي الله يسلمكم زوجه اخو زوجي علاقتي فيها كانت ممتازه
من تزوجت واحنا نحترم بعض ونقدر بعض
وهي زوجه الكبير.. بيني وبينها حوالي 15سنه
وهي حبيبه خالتي يعني ام زوجي مره تعزها
وبرضو لها تقديرها واحترامها عند اهل زوجي



المهم قبل شهر عملت حفله ببيتها بمناسبه خطوبه بنتها
وانا صار عندي ظرف ومارحت لها 
بنفس الوقت ما اعتذرت عن الحضور.. وهي حريصه على هالتفاصيل
ثاني يوم دقيت عليها سلمت وباركت واعتذرت منها واخذت بخاطرها


بعدها باسبوع عملت صينيه مكرونه وخليت زوجي يرسلها لباب بيتهم 
وهي ما شكرتني ولا حاجه لا باتصال ولا رساله


وجتني نزله برد شديده بعد كذا
لدرجه اني جلست اسبوع بالبيت ومارحت لمناسبات الاسره
وبرضو لا اتصلت ولا شي.. رغم انها ماكانت كذا
بس قلت مومشكله


لكن امس شفتها بعزيمه.، وانا من زمان ماشفتها..
كانت متغيره بالتعامل وبااااارده معي
وتسولف مع الكل بدون ماتناظرني
ولما خلصنا عشاء شفتها عند المغاسل
وقالت لي يووه يافلانه معليش نسيت صنيتك
كل ماجيت ارسلها انسى لان عندي كثير مثلها!
طبعا هي تقصد صينيه المكرونه 
ولا فكرت تقول تسلم يدك او مشكوره! 
طبعا انا قلت لها عادي يا ام فلان حنا خوات خذي راحتك



ولما رجعت البيت قلت السالفه لزوجي
طبعا اول شي قال غريبه ماتشكرت ولاشي!
بعدين قال اممم يمكن خانها التعبير عادي..
وانا سكت.. لانه لازم يبرر لها..
هو دايم يقول انها مثل اخته الكبيره ويتذكر مواقفها مع امه واخواته.. يعني لازم يصير الحق معها



انا يا بنات ما احب احد يزعل مني
ادري ماني كامله وياكثر اخطائي
بس اذا غلطت اعتذر.. واتوقع من الطرف الثاني انه نسى
لكن انه يشيل او يعيش بمشاحنات فهذا صعب علي


ياليت كل وحده تتخيل نفسها مكاني وتقول لي كيف اتصرف