هذا اول موضوع لي بهالقسم اتمنى من كل قلبي اني الاقي اخوات واخوان افتح لهم قلبي و يرشدوني لحل مشكلتي اللي كتبتها خصيصا لحلها
انا بنت عمري 31 سنه مو متزوجه
والحمدلله دين وعلم وجمال وموظفه بس
سبحان الله كل ماجا احد يخطبني يخرب الموضوع اغلبهم يكونون اصغر مني وانا رافضه اتزوج اصغر مني حتى لو بسنه
فيه ناس كلمونا وكل شي وجو خواته شافوني وموافقين لاكن راحو ومعد جو ولاحتى اعتذرو مااعلينا
الممممهم
انه ولد خالتي اسمه خالد اكبر مني و من يوم انا عمري 17 كانو اهلي وعايلتنا يقولون انتي تناسبين له وهو يناسبك حتى لو بالمزح
مره الايام وسمعت انه خطب بنت عمي ومااخفيكم حزه بخاطري كنت حاطه في بالي اني ماراح اخذ الا هو
بس قلت يمكن هو مايبيني وخلاص نسيت الموضوع
والحين هو متزوج من خمس سنوات وعنده بنتين وولد
لاكن اللي صار انه قبل شهر بالضبط
كان يتصل علي رقم وماارد وبعدين صار يرسل رسايل يترجااااني ارد ويقول " يافلانه ردي علي ابيك بموضوع اسالك بالله ردي اترجااك "
وانا قلت اكيد من يوم انه قال اسمي اكيد احد يعرفني وماكنت عارفه اذا بنت ولا ولد
رديت ولاهو رجال
فلانه كيفك ماعرفتيتي ؟
ماعرفته ابد انه ماجا على بالي
المهم تكلم معاي وشوي شوي اعترف انه خالد وانه اخذ رقمي من جوال امه
وماصدق انه يكلمني وانه يحبني من زماان
وكان يبي يكلمني بس خايف لايدق على التليفون وجوال ماكان عندي الا هالسنه
انا انصدمت مررررره مدري اش صار لي قفلت السماعه وصرت ابكي
قفلت منه ورجع اتصل علي بعد ساعتين
وفتح معاي الموضووع
يحلف بعياله وباغلى ماعنده انه يحبني من وهو صغير وماكان يبي الا انا
بس ابوه راح خطب له من غير لايستشيره وكلم امه قال لها انا مابي الا فلانه اللي هو انا بس قالت ابوك ماقدر اقول له شي <<لانه شخصيته قويه عليهم
وانه مو مرتاح مع زوجته وطول هالسنين ماغبت عن باله ويعرف اخبااري اول باول
وقال لي كلام كثيييييييييير وانا اعترفت له بحبي له منوكل شي ومرات يبكي وهو يكلمني
والحين حالف انه يجي ويكلم ابوي
بس انا خايفه يصير مشاكل بينا وعيال عمي يعني لو وحده غريبه كان هانت خصوصا انه عنده عيال
انا مره محتاااره احبه وكل يوم احبه زود ومتاكده ان هلي ماراح يوافقوون
ياربي شسوي صراحه اتزوج واحد يحبني احسن مااخذ واحد مدري كيف
هذا اذا صار وجا واحد خطبني لانه مثل ماقلت لكم حظي
اتوقع هالشي يصير لانه هو نفسه فيني والله اعلم
مدري احس كلامي مو على بعضه بس ياليت تحطون نفسكم بموقفي وقولو شلون بتتصرفوون
انتظركم واسالكم بالله تدعون لي بلي فيه الخير وربي يعوضني عن عمري اللي راح
