ارجوكم ساعدوني لاتشوفون موضوعي وتمشون

بسم الله الرحمن الرحيم
السلام عليكم ورحمتة الله وبركاته
بادخل في الموضوع على طول
يابنات ويا امهات ويامتزوجات
مشكلتي هي كالتالي:
حياتي من تزوجته وانا في مشاكل مع زوجي و ماراح اكذب عليكم هو فيه الخير بس عيوبه وسلبياته اكثر من ايجابيته معي بالذات بعد ماولدت من ناحية الاهمال والتقصير في حقوقي والتذرع بالشغل حتى لو كان فاضي
وكلامه مختصر في كلمتين بعدين وماني فاضي
وانا حامل كمان كان فيه مشاكل بس على خفيف لان كان مافيني حيل اناقشة و كان حملي متعب ومشاكلة كثيرة وهذا كان اكبر همي وبس فطنشت وقلت اذا ولدت وطلعت من النفاس باناقشة واذا ما تعدل يصير خير
الحين الحمد لله ولدت وجبت بنت وعمرها الان 6شهور
والشهور السته هذي حاورته وناقشته وتزاعلنا وروحة لبيت اهلي وجية ولدرجة اني دخلت اهلي في الموضوع
تحسبونه تعدل؟؟
بالعكس زاد وصار يطنشني اكثر من اول وهالضحية بنتي مصيرها من مصيري من ناحية الاهمال والتقصير حتى لما تكون تعبانه
ولاتقولون لي تعدلي له تكشخي تعطري اهتمي فيه قولي له كلام حلو اختاري الوقت المناسب للحوار>هذا مافيه في قاموسة شي اسمه رايق معي مع الغير ممكن مايدرون بالباطن حكموا بس بالظاهر والله ماخليت طريقة ولا وسيله ولا اسلوب الا جربتها معه ولازال مثلما كان
تيتي تيتي متل مارحتي قيتي
والله انه اكبر مني بعشرين سنه على مشارف الاربعين المفروض انه فهيم وحكيم
وانا عمري 19 سنه بس
وتحسبوني مادلعته؟
والله ان هالبعير اللي عندي دلعته ودللته شاخ علي وشاف نفسه علي!!
والمفروض انا اللي لي الدلال والدلع لصغر سني وحلاوتي
ما ابغى افصل واطول عليكم واحكي لكم قصة حياتي ادري بيضيق صدركم وبيضيق صدري انا زيادة اكثر مما انا ضايقة لاني ابي انسى معاناتي معاه في السابق وافتح صفحة جديدة ولكن للاسف مانفع ولافي اي تجاوب من طرفه
المهم
في الفترة الاخيرة حصلت مشكلة بيني وبين زوجي
كلام وموقف ازعجني المني منه كثير وطعني في الصميم وبكيت منه لحد ماغرقت في البكا
ومت منه ومن البكا
قهرني
وظلمني
وخلااااااااااااااااااااااااااااااااااااااااااص وقتها حسيت اني كرهته من قلب من الصميم واول مرة في حياتي من تزوجته دعيت عليه بعد ماكنت ادعي له
كرهته
بغضته
اشد البغض
ماتصدقون كيف كان شعوري ولحد الان اكرهه
ماتصدقون كيف كنت اتنفس هواه واعشقة بشكل جنوني وادوس على نفسي وسعادتي وراحتي عشانه وامشي الزله واصبر صبر ايوب
كان بالنسبة لي الصديق الحبيب والاخ و الخليل والاب اللي انحرمت منه وهو عايش
كيف صرت انا الان من كرة وبغض له لدرجة اني بعض الاحيان بيني وبين نفسي اتمنى انه يموت في اليوم الف مرة و ينحرق مثل مايحرقني باسلوبه الجافي وتسفيهه وتحقيره لي
وكاني في عينه وحدة مالها قيمة ولامكانه عندة
ودايم كلامه انتم يا الحريم وانتم يا الحريم كان انجس وادنس شي في هالدنيا في نظرة الحريم
اتوقع متعقد من اهله
وناسي كيف وقفاتي معه
وبعض الاحيان من القهر اقول الله ياخذة وادعي عليه اشد الادعيه
والله اني ماعدت مسيطرة على نفسي من ناحية كرهي له
ابغضة اشد البغض
احس هالانسان يحب يعيشني على اعصابي ويحب ينزل دموعي ولما يشوف دموعي يستسخفني ويقعد يضحك يستلذ ببكاي
احس انه مريض نفسي مع اني صرت احس اني انا اللي بصير مريضه نفسيا من شدة كرهي له
صار يسافر ويجي عاااااااااادي وبالعكس اتمنى اقعد عند اهلي اكثر مو مثل اول الهف واشتاق له
اول كنت لما اشوف الفراش مو عليه وهو نايم اقوم واغطيه الحين والله مو هامني احس انه مايسوى وكثيرة عليه اني الحفه بالفراش!
اكنت اقرى المعوذات عليه وهو نايم الحين اكره اقرب منه حتى واقول في نفسي احسن مو لازم جعل يجيه اللي يجيه
كنت اخاف عليه مثل ام تخاف على ولدها
كنت احبه احبه احبه بشكل ماتتصورونه
الان بالعكس قلبي مشحون عليه جدا جدا
مع ان المشكلة الاخيرة بالنسبة للي مريت من المشاكل معه من قبل كذا مو كبيرة جدا مرت مشاكل كبيرة جدا وعدت على خير وكنت لا ازال احبه وامشي المرسى كان الحب معميني
الان والله لو املي الصفحة كلها ما قدرت اوصف الي في قلبي عليه
وهو حاول يرضيني بس خلاص ماقدرت كانه طلع من جوفي وما عاد يهمني
صرت افكر بنفسي وبس وهو بكيفه
يالله على كرهي له
كيف احل مشكلة الكرة اللي في قلبي عليه
صرت جدا حقودة عليه
على الاقل ابي اصير عاديه من ناحية شعوري تجاهه
احس اني يوم كرهته وسوى موقفه الاخير معي بالذات يوم كرهته كان غشاوة راحت من عيني وشفت كل العيوب اللي ف الدنيا فيه وشفته انسان جدا عادي وانسان مايستاهل صبري عليه ولا تضحياتي وسكوتي على الحرمان اللي معيشني فيه مع انه اول ملاك في عيني مهما سوى
انا مادري وشلون اخفف هالكره تجاهه احس اني بصير مريضه من كرهي له ارجوكم ساعدوني
اول كنت فرفوشة ضحوكة دااااااااايم الابتسامة على وجهي واحب اسولف واحكي قصص لدرجة ان اقاربي سموني كريكر وبربر
والان والله لما اجلس اقعد افكر واهوجس وسرحانه حزينه وكلامي قليل ما كاني غنادير كاني وحدة ثانية
انقلبت180درجة
بسبته حسبي الله عليه
والله اني قمت اوسوس واقول لايكون فيني اكتئاب
معليش ع الاطالة والله اني احس جبل وطاح من صدري احس اني ارتحت
وفضفضت
ارجوكم ساعدوني