ارجووووكم ايش تنصحوني فيه

السلام عليكم ورحمة الله وبركاته
اخواتي الغاليات اطلب من الله ثم منكن الوقوف معاي وايجاد حل لمشكلتي ،،،
انا متزوجة وليس عندي اولاد حامل وان شاءالله ربي يسهل واجيب على خير ،،،
في بداية زواجي كاني زوجي مره زين معاي علما ان عنده حرمه ثانيه كان اذا راح عندها يكلمني ويراسلني ومن يداوم في الصباح على طول يرسل لي كلام حب ورومنسيات ومن ارسل له انا لو كلمة صباح الخير يرد باجمل منها وحسيت بطعم السعادة معاه وكانت زوجتة دايم تسبب لي مشاكل وله هو وكان يوقف معاي ولايرضى تتكلم علي
بس من فترة شفته ابعد صار مايدق ولايسال اذا راح عندها وكنت اقول له ليش وش مشكلتك انت متغير زعلان من شي انا ضايقتك بشي يخلق مشكله ويزعل وصارت بيننا مشكله ووصل الموضوع اهلي وبعدها زاد بعده عني وكنت ازور اهله واسمع كلام من حرمته والوضع عنده عادي يقول وش تبين اسوي اذا قالت شي ردي عليها وكان كلامها جارح وترسل له كلام تسب فيني وتقول هذي فيها وفيها قلت اكيد راح يزعل لان كلامها مره قوي لكن اكتشف ان امورها معها تمام التمام واقول ليش انا ارسل لك مالك نفس لي يقول نفسيتي زفت ولما احاول افتح جواله اشوف رسائله معها ضحك وبوسات واموره عادي ونفسيته ماهي زفت مثل ماقال وكنت اتضايق واسكت واقول بيني وبين نفسي هل هذا حب لها والا ماعاد يبيني والا والا صرت اكل بنفسي وتعبت نفسيتي واقول يمكن فترة وتعدي وارسل له كلام زين رومنسي بس عشان اشوف ردت فعله احصله عادي ولا له خلق يرد وهي من تقول صباح الخير الورد والبوسات وكنت اتعمد ارسل له اشياء كان هو يهديها لي بداية رواجنا واذكره فيها اقول تذكرها يرد يقول انا وش دخلني انتي اذكريها لوحدك يعني مافيه حتى لو مجامله؟؟؟؟؟
ادري طولت عليكم لكن هذا كله بالمختصر كمان وكل اللي ابيه منكن ومن خلال تجربتكن تعطوني طريقه وش اسوي هل انا اطنشه ولا عاد ارسله ولا اكلمه ولا اسال عنه عشان يحس والا وش اسوي ابي حل تكفووووووون الله يحزاكن الجنة