ارجوووووكم ردوا علي بنفجر

اخواتي ما لي غيركم ارجووووكم ساعدوني في اتخاذ قرار لان زوجي قهرني ومن الضيق خلاص ما قادره اتخذ قرار وكرهته من معاملته لي
نحن الحين 17 يوم متزاعلين على سبب تافه كالعاده
وزوجي سلبي جدا وقت الزعل يعني يسكت وما يكلمني ولا كأني موجوده في البيت ابدا
المهم كالعاده بغيت اكسر الزعل وعاد لي يومين وانا احاول القى وقت علشان اكلمه وفي كل مره في نص النقاش يتركني بحجة عندي موعد او اخوي ينتظرني وغيرها من الحجج 
المهم اليوم قلت له حدد لي موعد علشان اكلمك لاني ما عارفه اتلم عليك
قال اريد اتعشى واشوف البرنامج واجيك قلت طيب
تعشى وشاف البرنامج وخلص وجلس يسولف مع اخوه في التلفون علشان يضيع الوقت وبعدها راح ونام
تخيلوا ولا كأن فيه انسانه واعدنها وتنتظره وانا اللي اسعى دااائما للصلح علشان ما يكبر الخلاف
ايش رايكم اتصرف معه
مقهورووووووره