كوبونات الراقية تسجيل الدخول

وبعدين؟؟؟

ارجووووووووووووكم تساعدوني قبل ماأتلخبط والخبط الدنيا..

اطباق عالم حواء •

السلام عليكم يا حوائياتي الغوالي

ماطلبت مساعدتكم الا لأني موقنة ومتاكدة اني بلاقي الحل اللي يريحني من التفكير

بعد 3 ايام بتجيني خالتي ام زوجي ومعاها حريم من الحارة<الجيران يعني>:(

واول مرة يدخلون بيتي بعد ولادتي< اللي هم الجيران>:(

ومتخصبقة وش اسوي وكيف اسوي

من جد محتارة ومن يوم ماعرفت ماانام الليل

كل اللي ابيه اني اطلع بسفرة تشرف وفي نفس الوقت غير متعبة

وابيض بالوجه:42:

ابيكم تساعدوني وش اسوي من اصناف خفيفة وماتتعب

طبعا هم بيجوني عصرية أو مغربية بمعنى أصح:p

اتمنى تتفاعلون معي بأسرع وقت ممكن فديتك

أحبكم:26:
13
2K

يلزم عليك تسجيل الدخول أولًا لكتابة تعليق.

تسجيل دخول

**شوكولا بالبندق**
**شوكولا بالبندق** •
حبيتي ألف حمد الله على سلامتك أولا

ثانيا لا تتلخبطين ولا شي

سوي كيكة تضبط معك وسوي شوية معجنات بس تكون أحجام صغيرة بالجبن والبيتزا وأقماع الدجاج

سوي شاندوتشات جيب التاجر أو الكودو كمان حلوة

ممكن طبق ورق عنب يزين السفرة وشوية مقالي وسنبوسة

سوي تشيز كيك بس ميني يعني في أكواب المافن

سوي شاي أحمر وشاي ليمون وشاي نعناع وزيني القهوة

وسوي حلا قهوة طريقته مضمونة عندك وقدمي عصير منوع او طبقات أول ما يجون وأن شاء الله أكون أفدتك

موفقة حبيبتي
gypsy
gypsy •
إذا كانو جايينك و انتي نفاس مفروض هم يجيبون الاكل معاهم مو انتي
حطي صحنين شوكلاته فخمة
و مثلها موالح و معجنات من برى -و صل الله و بارك .
وحدة توها طالعه من النفاس مفروض ما يتوقعون انها تذبح و تسدح لهم !!
وبعدين؟؟؟
وبعدين؟؟؟ •
الله يسلمك يالغلا

تسلميلي فديتك
وبعدين؟؟؟
وبعدين؟؟؟ •
لا ياعمري طالعة من النفاس من شهر ونص تقريبا

بس كنت عند اهلي بالرياض

والحين انا بالحفر مالي كثير جاية

واول مرة يجون عندي من وقت رجعتي
عــ حزينة ــيون
عــ حزينة ــيون •
gypsy gypsy :
إذا كانو جايينك و انتي نفاس مفروض هم يجيبون الاكل معاهم مو انتي حطي صحنين شوكلاته فخمة و مثلها موالح و معجنات من برى -و صل الله و بارك . وحدة توها طالعه من النفاس مفروض ما يتوقعون انها تذبح و تسدح لهم !!
إذا كانو جايينك و انتي نفاس مفروض هم يجيبون الاكل معاهم مو انتي حطي صحنين شوكلاته فخمة و مثلها...
واتفضلي هالرابط فيه طرق أطباق للقهوة ( أغلبها تتجهز قبل يوم العزومة ) إن شاء الله يفيدك
http://forum.hawaaworld.com/showthread.php?t=1722138